06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Կառավարության նիստի օրակարգը հասանելի չէ
04.12.2019 | 23:48
ՀՀ կառավարության դեկտեմբերի 5-ի նիստի օրակարգը լիարժեք հասանելի չէ կառավարության e-gov.am հարթակում: Կայքի «Կառավարության նիստի օրակարգ» բաժնում տեղադրված է վաղվա նիստի նախագծերի անունները, սակայն կցված փաստաթղթերը՝ նախագծերը, հավելվածները և հիմնավորումները դատարկ են:
Երբ նշյալ փաստաթղթերը ներբեռնում ենք համակարգիչ որևէ տվյալ չի պարունակում:
Երեկոյան 20:30-ի հատվածում վարչապետի աշխատակազմի տեղեկատվության և լրատվության վարչությունից մեզ փոխանցեցին, որ օրակարգը արձանագրային բաժինն է տեղադրում: Իսկ դատարկ փաստաթղթերի հետ կապված պարզաբանեցին, որ նախագծերը կայքում դնելիս առաջիկա րոպեներին դատարկ է ցույց տալիս մինչև վերջանական տեղադրվելը: Սակայն, արդեն անցել է մի քանի ժամ, բայց օրակարգը հանրությանն այդպես էլ հասանելի չէ: Կառավարության վաղվա նիստում ընդգրկված է 43 հարց:
Նարեկ Կիրակոսյան
