04.07.2026 | 19:26
Փաշինյանը խոստացավ Գոռավանում դպրոց կառուցել. գյուղը 412 աշակերտ ունի․ ՏԵՍԱՆՅՈւԹ
Բոլոր հարթակներում պետք է հետևողականորեն պաշտպանենք մեր ազգային շահերը․ Նիկոլ Փաշինյան
Քաղաքականություն
04.12.2019 | 17:02
Ազգային ժողովում մեկնարկել է Ազգային ժողով-Կառավարության հարցուպատասխանը։
«Իմ քայլը» խմբակցության պատգամավոր Միքայել Զոլյանը հետաքրքրվեց Ռուսաստանի և ՀԱՊԿ անդամ դաշնակիցների կողմից զենքի վաճառքի վերաբերյալ։
«Որքանո՞վ հույսեր կան, որ այդ հարցում ինչ-որ փոփոխություններ կլինեն»,- հարցրեց պատգամավորը։
Հարցին պատասխանեց ՀՀ վարչապետ Նիկոլ Փաշինյանը։ «Կարծում եմ՝ մեր ասելիքն ավելի ըմբռնելի է դառնում մեր գործընկերների համար։ Հնչած հրապարակային արտահայտությունները գալիս են դա հիմնավորելու։ Բոլոր հարթակներում պետք է հետևողականորեն պաշտպանենք մեր ազգային շահերը, ազգային հետաքրքրությունները՝ առավել ևս մեր ազգային անվտանգությանը վերաբերող համատեքստում։ Մենք շարունակում ենք արձանագրել, որ ՀԱՊԿ-ն անվտանգության այն համակարգն է, որում ընդգրկված է ՀՀ-ն։ Բիշքեկում հարցն առաջադրեցի բոլորովին ուրիշ կոնտեքստում՝ ասելով, որ վստահ եմ՝ ՀԱՊԿ-ն ունի բոլոր լծակները մեր տարածաշրջանում, մասնավորապես, Լեռնային Ղարաբաղի հակամարտության գոտում նոր էսկալացիա թույլ չտալու համար, բայց ես ցույց տվեցի, որ տվյալ դեպքում խոսքը ոչ միայն ՀՀ-ի անվտանգության համար է, այլև ՀԱՊԿ երկրների և մեծ հաշվով, ընդհանարպես տարածաշրջանի համար»,- ասաց Փաշինյանը։
Մանրամասները՝ տեսանյութում։
