21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Զորամասից զանգեր են գալիս, ասում են՝ սպանություն է. զինվորի հորեղբայրը՝ Անդրանիկ Քոչարյանին. ՏԵՍԱՆՅՈՒԹ
Հասարակություն
04.12.2019 | 15:00
Ես մինչև վերջ գնալու եմ, պահանջում եմ՝ իմ էրեխուն սպանողին ուզում եմ գտնեք, բերեք տվեք ինձ: ԱԺ-ի մոտ ակցիայի ժամանակ պաշտպանության և անվտանգության հարցերի խորհրդարանական մշտական հանձնաժողովի նախագահ Անդրանիկ Քոչարյանին ասաց Արցախում զոհված զինծառայող Արթուր Աջամյանի մայրը: Նշենք, որ զինծառայողի հարազատները պնդում են, թե զինծառայողին սպանել են:
«Պատճառը ի՞նչ է եղել, որ անմեղ էրեխուն դուք տանեք հայրենիքը պաշտպանի, իմ էրեխուն սպանեք, դիակը բերեք տաք մորը: Խնդրում եմ, աղաչում եմ ձեզ, մենակ ուզում եմ իմանամ՝ իմ էրեխուն սպանողն ով ա եղել»,- ասաց Աջամյանի մայրը:
Անդրանիկ Քոչարյանը խոստացավ, որ իր ղեկավարած խորհրդարանական հանձնաժողովն ամեն ինչ կանի, որպեսզի «ճշմարտությունը հասանելի լինի բոլորին»:
«Սա ամենաահավոր բանն է, որ բանակում տեղի են ունենում նմանատիպ հանցագործություններ, ինքնասպանություն, սպանություն: Մեր խնդիրը դրանք օր առաջ արմատախիլ անելն է»,- հավելեց «Իմ քայլը» խմբակցության պատգամավորը:
Զինվորի հորեղբայրն էլ ասաց՝ խորհրդարանի մոտ սպասելու են այնքան, մինչև իրենց հարցերին պատասխան ստանան: «Մեր զինվորին թող ինքնասպանության պիտակ չկպցնեն»,- ասաց նա:
Մանրամասները՝ տեսանյութում:
