10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Ռուսաստանը 100 մլն դոլար վարկ կտրամադրի Հայաստանին՝ սպառազինություն և զինտեխնիկա ձեռք բերելու նպատակով
12.10.2017 | 15:08
ՀՀ կառավարությունն այսօր հաստատեց նախագիծ, որով ռուսական կողմը հայկական կողմին կտրամադրի մինչև 100 մլն ԱՄՆ դոլար գումարի չափով պետական արտահանման վարկ ռուսական արտադրության սպառազինություն և զինտեխնիկա ձեռք բերելու նպատակով։
Ըստ համաձայնագրի՝ 100 մլն դոլարի չափով ներգրավվող վարկը կտրամադրվի 20 տարի ժամկետով, որից 5-ը արտոնյալ, տարեկան 3 տոկոս տոկոսադրույքով:
Համաձայնագրի դրույթների հիման վրա ՀՀ պաշտպանության նախարարության և «Ռոսոբորոնէկսպորտ» ԲԲԸ միջև կստորագրվեն առանձին պայմանագրեր վերոնշյալ ժամանակակից սպառազինության և տեխնիկայի ՀՀ-ին տրամադրելու կարգի, ժամկետների, այդ ռազմական տեխնիկայի կիրառմանը վերաբերող տեղեկատվության տրամադրման պայմանների, կողմերի պարտավորությունների, դրա նորոգման և տեխնիկական սպասարկման պարտավորությունների, ձեռքբերման համար վճարումների և այլ հարցերի վերաբերյալ:
Կողմերը պարտավորվում են ձեռնարկել բոլոր անհրաժեշտ միջոցները սույն համաձայնագրի հետ կապված տեղեկատվության և գրագրության գաղտնիության ապահովման նպատակով:
Համաձայնագիրն ուժի մեջ է մտնում կողմերի կողմից դրա ուժի մեջ մտնելու վերաբերյալ ներպետական ընթացակարգերի կատարման մասին վերջին գրավոր ծանուցումը ստանալու օրվանից և գործում է մինչև կողմերի կողմից դրա դրույթներից բխող բոլոր պարտավորությունների կատարումը:
