11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
«Կողք կողքի»․ հայտնի երաժիշտների հետ՝ մեկ բեմում․ կայացավ ներառական փառատոնի փակման արարողությունը. ՏԵՍԱՆՅՈՒԹ
02.12.2019 | 20:16
Կայացավ «Կողք կողքի» ներառական փառատոնի փակման արարողությունը։
«Մեր երեխաները հայտնի երաժիշտների՝ Ռուբեն Հախվերդյանի, Միքայել Ոսկանյանի և ընկերների, Գոռ Սուջյանի, «ԳԱԹԱ» բենդի, Աննա և Անահիտ Մխիթարյանների, «Լավ Էլի» և «Hope For Coffee» երաժշտական խմբերի հետ համարներ են պատրաստել։ Արդյունքներից գոհ եմ, երեխաները շատ են մոտիվացվել»,- ասաց փառատոնի կազմակերպիչներից Նաիրա Սարգսյանը։
Ռոք երգիչ Գոռ Սուջյանի կարծիքով էլ՝ նման նախաձեռնություններն ապագայում պետք է շատանան․ «Ինքս փորձում եմ նման միջոցառումների մասնակցել, սատարել։ Պետք է իսկապես կողք կողքի լինենք, իրար քաջալերենք»։
Սեպտեմբերից մեկնարկած «Կողք կողքի» երաժշտական ներառական փառատոնն ուղղված է բացել հասարակության դռները զարգացման առանձնահատկություններ ունեցող երեխաների և դեռահասների առջև՝ ձևավորելով հավասար պայմաններ բոլորի համար:
Փառատոնի կարևորագույն ուղերձն է երաժշտության, արվեստի միջոցով ամրացնել կապը, ձևավորել հանդուրժողականություն, ապահովել մտքի, երևակայության փոխանակում, բացահայտել շնորհաշատ երեխաների և դեռահասների՝ նրանց տալով մասնագիտական կողմնորոշման հնարավորություն, հասարակության ճանաչված մարդկանց ներգրավվածության միջոցով հնարավորինս հանրայնացնել ներառական մտածողությունը:
ՀՀ ԿԳՄՍ նախարարության և «Աուտիզմ ազգային հիմնադրամի» աջակցությամբ կազմակերպված փառատոնին մասնակցում էին Երևանի, Շիրակի և Տավուշի մարզերում գործող հասարակական կազմակերպություններ։
Մանրամասները՝ տեսանյութում։
Նելլի Մելքոնյան
