27.04.2026 | 18:25
Պուտինն Արաղչիի հետ հանդիպմանը հայտնել է, որ անցյալ շաբաթ ուղերձ է ստացել Իրանի գերագույն առաջնորդից
Այս իշխանությունն ուզում է ոչ թե սեփական գրպանները լցնել, այլ՝ բարիքը բաշխել խոցելի խավերին․ Արտակ Մանուկյան. ՏԵՍԱՆՅՈՒԹ
Քաղաքականություն
02.12.2019 | 18:53
Անցած տարի Հայաստանում աղքատությունը նվազել է 2․2%-ով։ Ազգային վիճակագրական կոմիտեի տվյալների համաձայն՝ 2018 թվականին գրանցվել է աղքատության 23․5% ցուցանիշ՝ 2017 թվականի 25․7%-ի համեմատ։ Ազգային ժողովի Տնտեսական հարցերի մշտական հանձնաժողովի փոխնախագահ Արտակ Մանուկյանը աղքատության նվազումը պայմանավորում է 2018-ին արձանագրած 5․2% տնտեսական աճով, որը վերաբաշխվել է հանրության ոչ բարեկեցիկ խավերին:
«Ի տարբերություն նախորդ իշխանությունների, այս իշխանությունը առաջինը տնտեսական աճից և հանրային բարիքներից ոչ թե ուզում է սեփական գրպանները լցնել, այլ ուզում է մեծ չափով բաշխի հանրության խոցելի խավերի միջև»,- մեկնաբանում է Արտակ Մանուկյանը։
Նա ավելի լավատես է, ինչի հիմքը 2019-ի վերջին ակնկալվող տնտեսական ցուցանիշն է։ Սպասվում է 7% տնտեսական աճ, ինչը չի կարող դրականորեն չազդել աղքատության ցուցանիշի վրա․ «Այդ տնտեսական աճը ավելի հասու է լինելու ավելի մեծ թվով խաղացողների և նախկինում եղած անհավասարությունը կրճատվելու է, և այս տնտեսական աճի արդյունքները հանգելու է նրան, որ է՛լ ավելի էս ցուցանիշը նվազի, և կարծում եմ, 2020-2021 թվականներին մենք կունենանք 20%-ի շրջակայքում աղքատության ցուցանիշ»։
Ըստ Արտակ Մանուկյանի՝ աղքատությունը հաղթահարելու կարևորագույն գործոններից է նպաստի համակարգի բարեփոխումը, որն այսօր աշխատանքից հեռու է պահում մարդուն։
Մանրամասն՝ տեսանյութում:
Ռոբերտ Անանյան
