25.06.2026 | 09:47
Նավթի գները նվազել են
Հայկ Մարությանը քաղաքի կառուցապատումը դարձրել է առևտրի առարկա․ Դավիթ Խաժակյան. ՏԵՍԱՆՅՈՒԹ
Հասարակություն
29.11.2019 | 17:50
Երևանի քաղաքապետարանը՝ Հայկ Մարությանի գլխավորությամբ, քաղաքի կառուցապատումը, քաղաքաշինական պարտականությունները, լիազորությունները դարձրել է առևտրի առարկա, թաքցրել է այն, իսկ հարցադրման ժամանակ՝ ստել։ Այս մասին ուղիղ եթերի ժամանակ ասաց Երևանի ավագանու «Լուսավոր Հայաստան» խմբակցության անդամ Դավիթ Խաժակյանը։
«Մենք չենք խոսում քաղաքապետարանին տրվող աջակցության մասին, համոզված եմ՝ բազմաթիվ այդպիսի կազմակերպություններ ունենք, որոնք պատրաստակամ են քաղաքապետարանին աջակցելու և դա գովելի է, բայց մենք խոսում ենք մեծ մի գործարքի մասին, որի դիմաց այդ կազմակերպություններին տրվել են, եթե չասենք, վաճառվել են շինթույլտվություններ, օրինականացումներ, և վաճառքի մյուս կողմում ոչ թե փողն էր, ինչպես տեղի էր ունենում «Երևան» հիմնադրամի ժամանակ, այլ գույքի տեսակով և դրա դիմաց ստանում էին որոշակի արտոնություններ։ Ես կարծում եմ՝ իրավապահներն, ինչպես վարվեցին նախկին կոռուպցիոն գործերի պարագայում, այդպես պետք է վարվեն հիմա` գնան, պահանջեն բոլոր փաստաթղթերը և տան հնչեցրածս բոլոր հարցերի պատասխանները»,- նկատեց Խաժակյանը։
Մանրամասները՝ տեսանյութում։
