17.11.2024 | 16:37
Գործադիրը խորհրդարան է ներկայացրել փաթեթ՝ հիմքում դնելով բարձր տեխնոլոգիական ոլորտի աջակցությունը․ ԱԺ․ ՏԵՍԱՆՅՈՒԹ
Սերժ Թանկյանը ընդունել է Նիկոլ Փաշինյանի մարտահրավերը՝ նվիրատվություն անելու մասին
Հասարակություն
29.11.2019 | 11:16
Աշխարհահռչակ հայազգի երգիչ Սերժ Թանկյանն ընդունել է Նիկոլ Փաշինյանի երեկ՝ «Հայաստան» համահայկական հիմնադրամին ամենամսյա նվիրատվություններ անելու մասին մարտահրավերը: Այդ մասին երգիչը հայտարարել է ֆեյսբուքյան ուղիղ հեռարձակման ընթացքում՝ իր հերթին մարտահրավեր նետելով իր երեք ընկերներին՝ Էրիկ Իսրայելյանին, Վահե Բերբերյանին և Անժելա Սարաֆյանին:
«Սա հրաշալի գաղափար է»,- ասել է երգիչը:
«Սերժ Թանկյանը ընդունեց մարտահրավերը: Դու նույնպես կարող ես ընդունել այն, ամսական 23 դոլար նվիրատվություն բաժանորդագրվելով հետեւյալ հղման միջոցով https://www.himnadram.org/en/donate
Բաժանորդագրվելուց հետո անպայման մարտահրավիրեք երեք ուրիշ հայի»,- ֆեյսբուքի իր էջում գրել է ՀՀ վարչապետ Նիկոլ Փաշինյանը:
ՀԻշեցնենք, որ երեկ՝ «Հայաստան» համահայկական հիմնադրամի հեռուստամարաթոնի հայաստանյան տաղավարից Նիկոլ Փաշինյանը մարտահրավեր նետեց Քիմ Քարդաշյանին, Սերժ Թանկյանին և Ալեքսիս Օհանյանին, որպեսզի նրանք ամեն ամիս 10 000 դրամին համարժեք դոլար նվիրաբերեն հիմնադրամին՝ դրանով նպաստելով Հայաստանի ու Արցախի բարգավաճմանը:
Նշենք, որ մարտահրավերին դեռևս չեն արձագանքել Քիմ Քարդաշյանն ու Ալեքսիս Օհանյանը:
