07.11.2026 | 20:28
Նարեկ Կարապետյանի հանդիպումը համախմբման կոչին արձագանքած ուժերի հետ. ՈՒՂԻՂ
Երևանի քաղաքապետարանն ամանորյա տոնավաճառի տնակ-կրպակների օգտագործման իրավունքի համար աճուրդ է հայտարարել
Հասարակություն
28.11.2019 | 18:38
Երևանի քաղաքապետարանի մամուլի քարտուղար Հակոբ Կարապետյանն իր ֆեյսբուքյան էջում գրառում է արել, որտեղ նշվում է, որ քաղաքապետարանը հայտարարում է աճուրդ՝ ամանորյա տոնավաճառի տնակ-կրպակների օգտագործման իրավունքի համար:
Նրա տեղեկացմամբ՝ աճուրդի է դրվել 35 տնակ-կրպակ, ևս 5-ը՝ անվճար տրամադրվելու է բարեգործական կազմակերպություններին, որոնց ընտրությունը կատարվելու է ըստ ներկայացված ծրագրերի հանրային կարևորության:
Հիշեցնենք՝ նախօրեին հայտնի էր դարձել, որ Երևանի քաղաքապետարանը մերժել է Սուրբ Ծննդյան տոնավաճառը Հյուսիսային պողոտայում կազմակերպելու դիմումը: Ավելի վաղ քաղաքապետարանը հայտարարություն էր տարածել, որ ամանորյա տոնավաճառն այս տարի (Christmas market) անցկացվելու է Երևանի 2800-ամյակի այգու տարածքում՝ դեկտեմբերի 20-ից հունվարի 13-ը:
Նելլի Մելքոնյան
