02.07.2026 | 16:00
Կառավարության նիստը՝ ՈՒՂԻՂ
«Ակադեմիային ոչ մի վատ բան չի սպասվում». Հովհաննես Հովհաննիսյան. ՏԵՍԱՆՅՈՒԹ
Տեսանյութեր
27.11.2019 | 17:35
Երբ որ ասում ենք ակադեմիա, պետք է հասկանալ՝ ակադեմիան ինչ է։ Ակադեմիան նախագահություն է և ինստիտուտներ են։ Գիտական պրոդուկտ հիմնականում ստեղծվում է ինստիտուտներում և ինստիտուտների հզորացումը պետք է առաջնային լինի, երբ որ խոսում ենք ակադեմիայի մասին։ Այս մասին լրագրողների հետ զրույցում ասաց «Իմ քայլը» խմբակցության պատգամավոր Հովհաննես Հովհաննիսյանն՝ անդրադառնալով Բարձրագույն կրթության օրենքի նախագծին և ակադեմիայի կարգավիճակի սպասվող փոփոխություններին։
«Երկրորդ, երբ որ խոսում ենք ակադեմիայի օրենքի մասին, գիտենք՝ ինչ պայմաններում է օրենքն ընդունվել և կանոնադրությունը դարձել է օրենք։ Հիմա այդ տարբերակով եթե առաջնորդվենք, կարող ենք ասել, որ ԵՊՀ-ն մայր բուհն է, ազգային է և պետք է մի հատ առանձին օրենք ընդունենք ԵՊՀ-ի մասին, այնինչ պետք է մեկ ընդհանուր օրենքով կարգավորվեն այդ ամբողջ խնդիրները»,- նկատեց նա։
Հարցին՝ ինչպիսի՞ ճակատագիր է սպասվում ակադեմիային, Հովհաննիսյանը պատասխանեց, որ ակադեմիային ոչ մի վատ բան չի սպասվում։
Մանրամասները՝ տեսանյութում։
