03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Նվաճում էր, որ լրագրողը կարողացավ Արցախի անունից մեկնել Բաքու․ Դավիթ Ալավերդյան. ՏԵՍԱՆՅՈՒԹ
Հասարակություն
27.11.2019 | 16:13
«Հայաստան-Արցախ-Ադրբեջան. վատ խաղաղությո՞ւն, թե՞ լավ պատերազմ. հայ և ադրբեջանցի լրագրողների տպավորությունները» թեմայով քննարկման ժամանակ «Մեդիամաքս» լրատվական գործակալության համահիմնադիր, գլխավոր խմբագիր Դավիթ Ալավերդյանը նկատեց, որ Ադրբեջանում ինքն իր նկատմամբ ատելություն չի զգացել, բայց զգացել է թշնամանք։
Ալավերդյանի կարծիքով՝ այն հանգամանքը, որ սառույցը կոտրվեց, կարելի է համարել մեծ նվաճում։
«Երկրորդ նվաճումը կարելի է համարել այն հանգամանքը, որ արցախցի լրագրողը, այսինքն՝ հենց այդպես էլ նախապես նախատեսված էր, որ տեղերից մեկը հատկացվելու է Արցախը ներկայացնող լրագրողին, կարողացավ հենց Արցախի անունից մեկնել Բաքու։ Եվ որքան էլ զարմանալի է, ողջ-առողջ վերադարձավ։ 3-րդ հանգամանքը նաև այն է, որ նախկինում ադրբեջանցի լրագրողները հրաժարվում էին գնալ Արցախ և սա բացառիկ դեպք է, որ իրենք գնացին Արցախ և մեկ օր մնացին»,- նշեց Ալավերդյանը։
Հիշեցնենք, որ նոյեմբերի 17-21-ը տեղի է ունեցել լրագրողների խմբերի փոխանակում. Հայաստանի և Արցախի ԶԼՄ-ների ներկայացուցիչներն այցելել են Ադրբեջան, իսկ ադրբեջանական ԶԼՄ-ների ներկայացուցիչները՝ Հայաստան և Արցախ:
Մանրամասները՝ տեսանյութում։
