10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Բնակիչները դեմ են վթարային շենքից դուրս գալ. Հայկ Մարության. ՏԵՍԱՆՅՈՒԹ
Հասարակություն
26.11.2019 | 15:18
«Չորրորդ կարգի վթարային շենքերի բնակիչներին վերաբնակեցնելու հարցը համայնքի լիազորություններից դուրս հարց է, բայց Երևան քաղաքը որոշակի պարտավորություններ է վերցրել այս հարցում, սակայն որոշ խոչընդոտներ կան»,- այսօր լրագրողների հետ ճեպազրույցում ասաց քաղաքապետ Հայկ Մարությանը։
Նա օրենսդրական փոփոխության անհրաժեշտություն է տեսնում։ Քաղաքապետն անդրադարձավ Արզումանյան փողոցի 10 և 17 հասցեներին, որտեղ գտնվող շենքերում անգամ փլուզման վտանգ կա:
«Բոլոր բնակիչներին առաջարկել ենք վարձակալել բնակարաններ, որ իրենց վտանգ չսպառնի։ Մի մասը համաձայնվել է, մյուս մասը չի համաձայնվել։ Ես շատ մտահոգված եմ իրենց անվտանգությամբ, բայց իրավունք չունենք պարտադրանքով տարհանելու։ Մենք օրենքում փոփոխություն ենք մտցրել: Երբ գիտենք, որ շենքի փլուզման վտանգ կա, մենք կկարողանանք նրանց տարհանել։ Կառուցապատողը պատրաստ է շենքը քանդել, կառուցել շենք, այդ մարդկանց հատկացնել բնակմակերես, իսկ այդ ընթացքում վարձով բնակարան հատկացնել, բայց բնակիչները դեմ են»,- ասաց քաղաքապետը։
Մանրամասները՝ տեսանյութում:
Ռոբերտ Անանյան
