10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Շնորհակալ եմ ժպիտ պարգևելու համար․ Հայկ Մարությանը՝ Դավիթ Խաժակյանին. ՏԵՍԱՆՅՈՒԹ
Տեսանյութեր
26.11.2019 | 12:12
Երևանի ավագանու այսօրվա նիստը սկսվեց ընդդիմադիր «Լույս» խմբակցության ղեկավար Դավիթ Խաժակյանի ելույթով:
«Այս ամիս Երևանի քաղաքապետը մեկնեց արձակուրդ և, ըստ օրենքի, քաղաքապետի առաջին տեղակալը փոխարինեց քաղաքապետին նրա բացակայության ժամանակ։ Օրենքով այլ դեպք, քան քաղաքապետի առաջին տեղակալի կողմից քաղաքապետի լիազորությունները կատարելը, չի նախատեսվում։ Այդ լիազորությունները, քաղաքապետի գիտությամբ, իրականացրեց Հայկ Սարգսյանը, ով ավելի քան 70 իրավական ակտ ընդունեց, և այդ գործընթացը սկսվեց ամսի 4-ից: Եվ եթե նայեք ամսի 4-ի քաղաքապետի որոշումների էջում դրված հայտարարությունները, կտեսնեք, որ ունեցել ենք քաղաքապետի երեք դերակատար՝ Հրաչյա Սարգսյանը, Հայկ Սարգսյանը, քաղաքապետը։ Մեկ օրվա մեջ հանդիսացել են քաղաքապետի դերակատարներ։ Խնդիրը տեխնիկական չէ»,- հայտարարեց Խաժակյանը։
Նրա կարծիքով՝ պետք է պարզաբանվի, թե ինչպես է այդ փոխակերպումը տեղի ունեցել։
Հայկ Մարությանի խորհրդականը պարզաբանեց, որ օրենքը չի կարգավորում այն դեպքերը, երբ քաղաքապետի տեղակալը ևս կարող է բացակայել։ Ի պատասխան՝ Խաժակյանը դիմեց դատախազությանը՝ քրգործ հարուցել Քրեական օրենսգրքի՝ Պաշտոնեական լիազորություններն անցնելու հոդվածով:
Քաղաքապետն արձագանքեց. «Շնորհակալ եմ առնվազն ժպիտ պարգևելու համար»։
Մանրամասները՝ տեսանյութում:
Ռոբերտ Անանյան
