08.12.2025 | 21:52
Վրաստանի իշխանությունները պատրաստվում են խստացնել հավաքների անցկացման կանոնները
«Հակոբ Աշակյանն ահազանգել է, որ հրդեհ է բռնկվել, արագ մոտեցել ենք». ԱԻՆ ՓԾ տնօրեն. ՏԵՍԱՆՅՈՒԹ
21.11.2019 | 15:54
Ամբողջ տարածքը 500 քմ է, որից 50-ն այրվել էր մինչև մեր ժամանումը, ևս 200 քմ այրվեց հրդեհաշիջման ընթացքում։ Այժմ պաշտոնապես հայտարարում եմ, որ հրդեհն այլևս ոչ մի կողմի վրա զարգանալ չի կարող։ Այս մասին այսօր լրագրողների հետ զրույցում նշեց ՀՀ արտակարգ իրավիճակների նախարարության փրկարար ծառայության ղեկավար Վրեժ Գաբրիելյանը։
«Կառուցատարրերը բոլորը փայտյա են, շենքը հին է, ինչը շատ է դժվարացնում մեր աշխատանքը։ Անհոգ եղեք, ուժերը բավարար են, ջրի մատակարարումը բավարար է։ Ելնելով տարածքի առանձնահատկությունից, մենք կանչը բարձրացրինք 3-րդ աստիճանի։ Երկրորդ կանչով էլ կկարողանայինք ապահովել, բայց քանի որ կարող էր լինել այնպես, որ հրդեհն ավելի շատ զարգանար, կանչը բարձրացրինք երրորդի, որպեսզի ուժերը բավարար լինեն, հստակ կարողանանք անվտանգությունն ապահովել։ Երկու մեքենա ավել-պակասն էական չէ, էական է այն, որ կարողանանք մարտավարական խնդիրները լուծել, հրդեհաշիջումն անել և մարդկանց փրկել»,- ասաց ԱԻՆ ՓԾ ղեկավարը։
Նրա տեղեկացմամբ՝ հրդեհի ահազանգը ՀՀ բարձր տեխնոլոգիական արդյունաբերության նախարար Հակոբ Արշակյանի կողմից է եղել։
Մանրամասները՝ տեսանյութում։
Նելլի Մելքոնյան
