08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Մարտահրավեր Փաշինյանի համար․ ոսկու շուրջ վեճը՝ հայաստանյան հանրության բաժանման պատճառ․ BBC
20.11.2019 | 20:37
Ամուլսարի ոսկու հանքավայրերը պետք է հարյուրավոր միլիոն դոլարներ բերեին Հայաստանի բյուջե` հարկերի տեսքով: Մինչդեռ «Լիդիան» ընկերության հավակնոտ նախագիծը, որը մեկնարկել էր հին կառավարության օրոք, զանգվածային բողոքի ցույցերի պատճառ դարձավ՝ բնապահպանների և տեղի բնակիչների մասնակցությամբ. գրում է BBC-ի ռուսական ծառայությունը՝ անդրադառնալով Ամուլսարի հանքի խնդրին:
«Այս պահին խնդրի պարզ լուծում գոյություն չունի: Նիկոլ Փաշինյանի կառավարությունը հայտնվել է երկընտրանքի առջև․ կա՛մ ներքին քաղաքական ճգնաժամ, կա՛մ խոշոր ներդրողի կորուստ»,- գրում է պարբերականը, ապա նշում, որ Հայաստանի նոր իշխանությունները մեկ տարուց ավելի քննարկում և ուսումնասիրում էին հանքավայրի շուրջ ծավալված խնդիրները։
«Երբ այս տարվա աշնանը Փաշինյանը որոշեց, որ հանքի շահագործման համար չկան խանգարող հանգամանքներ, արդեն ուշ էր․ բնակիչներն ու բնապահպանները փակել էին Ամուլսար տանող բոլոր ճանապարհները՝ իրենց շուրջ հավաքելով համախոհներին։
Խնդիրը բարդացնում է նաև միջազգային ճնշումը, քանի որ ԱՄՆ-ի և Մեծ Բրիտանիայի դիվանագետները աջակցում են «Լիդիան»-ին։
«Այսպես շարունակվել չի կարող, – BBC ռուսաստանյան ծառայության հետ զրույցում նշել է «Լիդիան»-ի ժամանակավոր ղեկավարի պաշտոնակատար Էդվարդ Սելերսը,- եթե իշխանությունը չձեռնարկի քայլեր, ընկերությունը չի կարողանա ունենալ ֆինանսավորում և ստիպված կլինի կա՛մ վաճառել բիզնեսը, կա՛մ դիմել դատարան։ Մենք չենք ուզում դրանցից և որևէ մեկը։ Բայց մենք կարող ենք այլընտրանք չունենալ»։
Մյուս կողմից՝ ՀՀ վարչապետի խոսնակ Վլադիմիր Կարապետյանը ասել է, որ Հայաստանը պատրաստ է դեպքերի ցանկացած զարգացման»,- գրում է պարբերականը:
Մանրամասները՝ սկաբնաղբյուր կայքում:
