14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Գերմանիան թուրքական «Ինջիրլիք» ռազմաբազային այլընտրանք է փնտրում. Անգելա Մերկել
Քաղաքականություն
15.05.2017 | 19:04
«Գերմանիան շարունակելու է այլընտրանք փնտրել Թուրքիայում «Ինջիրլիք» ռազմաբազայից գերմանական զորքը հարևան երկրներ տեղափոխելու համար: Օրինակ՝ Հորդանան»,- հայտարարել է Գերմանիայի կանցլեր Անգելա Մերկելը, գրում է «ՌԻԱ Նովոստի»-ն:
«Դժվար է: Սակայն մենք շարունակելու ենք բանակցությունները՝ զուգահեռաբար դիտարկելով, թե ինչպես իրականացնենք այն, քանի որ արդեն դժվարություններ ունեցել ենք այցելությունների հետ կապված: Իսկ սա նշանակում է, որ հարկ է «Ինջիրլիքին» այլընտրանք փնտրել: Ի թիվս այլոց այլընտրանք է, օրինակ, Հորդանանը»,- ասել է Մերկելը:
Ավելի վաղ Գերմանիայի նախարարության պաշտոնական ներկայացուցիչ Մարտին Շեֆերը հայտարարել էր, որ Թուրքիան «Ինջիրլիք» ռազմաբազա գերմանացի պատգամավորների խմբի այցից մեկ օր առաջ Գերմանիայի ԱԳՆ-ին տեղեկացրել էր այցելության անհնարինության մասին:
