Հայաստանի վարչապետ Նիկոլ Փաշինյանը գրառում է կատարել Մխիթարյան միաբանության այցելուների մատյանում: Այս մասին նա տեղեկացրել է ֆեյսբուքյան իր էջում արված գրառմամբ:
«Եկանք մեր զորակցությունը հայտնելու ջրհեղեղից տուժած Մխիթարյան միաբանությանը: Ուրախ ենք, որ անդառնալի վնաս չի պատճառվել: Նաև ուզում եմ հայ ժողովրդի գնահատանքը արտահայտել Մխիթարյան միաբանությանը, որ մեր ժամանակակից կրթության, գիտության, արվեստի կարևորագույն աղբյուներից մեկն է: Այն ժամանակ, երբ հայկական ինքնությունը վտանգված էր հայրենիքում, Մխիթարյան միաբանությունը մեր լեզվի, պատմության, ինքնության պահպանման մի իսկական տաճար դարձավ: Իմ խոնարհումը այդ առաքելության բոլոր նվիրյալներին»,- գրել է նա:
Վարչապետ Փաշինյանի գլխավորած պատվիրակությունը երկօրյա պաշտոնական այցով այսօր մեկնել է Իտալիա:
