13.01.2026 | 17:30
Դաշյանը վերադարձել է «Փյունիկ», «Արարատ-Արմենիան» նոր պայմանագրեր է կնքել առանցքային խաղացողների հետ
«Կոչ եմ անում մեր երիտասարդներին՝ իրենց գաղափարները դարակներում չդնել». Հակոբ Արշակյան. ՏԵՍԱՆՅՈՒԹ
Տեսանյութեր
20.11.2019 | 18:13
ՏՏ ոլորտում համաշխարհային ներդրման համար մրցանակ ստացողներն այն մարդիկ են, որոնք իրենց ստեղծագործությամբ փոխել են աշխարհը, սկսել են զրոյից և մարդկությանը հնարավորություն տվել օգտվելու այն տեխնոլոգիաներից, որոնք մեր կյանքն ավելի են հեշտացնում ու մեծացնում երջանիկ ապրելու հնարավորությունները։ Այս մասին այսօր ՏՏ ոլորտում համաշխարհային ներդրման համար ՀՀ պետական մրցանակի դափնեկրի հայտարարման արարողության ընթացքում նշեց ՀՀ բարձր տեխնոլոգիական արդյունաբերության նախարար Հակոբ Արշակյանը։
«Այս մարդիկ, որոնք իրենց մեծ հետքն են թողել աշխարհում, իրենց գաղափարների իրականացման սկզբում ոչնչով առավել չեն եղել այն հայ երիտասարդներից, որոնք իրենց ստեղծագործ կյանքը հիմա են սկսում։ Երիտասարդներին կոչ եմ անում բոլոր ոլորտներում՝ գյուղատնտեսությունից մինչև միկրոէլեկտրոնիկա, իրենց գաղափարները չդնել դարակներում, չվախենալ սխալվելուց, ձախողվելուց և իրագործել իրենց գաղափարները։ Աշխարհում նորարարությունների շատ տեղեր կան։ Յուրաքանչյուր միտք, որը ձեզ մոտ առաջանում է, կարող է պարունակել այն մեծ հաջողությունը, որին հասել են այն մարդիկ, որոնք ստացել են Հայաստանի պետական մրցանակը»,- ասաց նախարարը:
Մանրամասները՝ տեսանյութում։
Նելլի Մելքոնյան
