27.04.2026 | 10:50
«Խարբերդի մասնագիտացված մանկատանը» պահպանվում են նախորդ այցերով արձանագրված խնդիրները․ ՄԻՊ
Ինչու չէ, 20 միլիոն դրամ էլ կարելի է հատկացնել. Արարատ Միրզոյանը՝ «Մել» ֆիլմի մասին. ՏԵՍԱՆՅՈՒԹ
Տեսանյութեր
14.11.2019 | 17:46
ԱԺ նախագահ Արարատ Միրզոյանը լրագրողների հետ ճեպազրույցում անդրադարձավ ծանրորդ Մելինե Դալուզյանի մասին նկարահանվող «Մել» ֆիլմին տրամադրված 20 մլն դրամի մասին հարցին՝ նշելով, որ սա առիթ է այլ խնդիրների մասին մտածելու համար:
«20 մլն դրամ էլ կարելի է հատկացնել, որ մարդիկ մի պահ հնարավորություն ունենան իրենց առօրյայից կտրվել և մի հայացք էլ այդ խնդրին նետել, հետո էլի գնալ իրենց գործերով»,- ասաց Միրզոյանը:
ԱԺ նախագահը կոչ արեց հասկանալ, որ ֆիլմն արվեստի աշխարհից է՝ նշելով, որ երբեմն արվեստի անգամ լավագույն գործերը կարող են անհասկանալի լինել: «Երբ խոսում ենք արվեստի մասին, իսկ ֆիլմն արվեստի աշխարհից է, կարող են տարբեր բանել հավանել կամ չհավանել, հասկանալ, չհասկանալ: Ուզում եմ մի մեծ մեղք խոստովանել, եթե դա մեղք է, ես չեմ կարող պարծենալ, որ ես ամբողջութամբ հավանում կամ հասկանում եմ Փարաջանովի «Նռան գույնը»: Հասկանում եմ՝ սա շատ մեծ մեղք է, բայց վստահ չեմ, որ բոլորովին անտեղյակ մեկին կարող եմ բացատրել այն: Սա չի խանգարում ինձ կիսել այլոց համոզմունքն այն մասին, որ սա բարձր արվեստի փառահեղ դրսևորում է»,- ասաց Միրզոյանը:
Նա նկատեց, որ չի կարող հստակ ասել, թե ինչ մոտեցում կունենա ֆիլմի մասին՝ կհավանի՞ այն, թե՞ ոչ:
«Չգիտեմ, երբ պատրաստ լինի՝ կհավանեմ, չեմ հավանի, կհասկանամ, չեմ հասկանա այս ֆիլմը, բայց, ընդհանրապես, եթե այս ազգայնական անհանդուրժողականությունից վերացարկվենք, ապա կհասկանանք, որ կինոաշխարհում ֆիլմեր ստեղծվում են ամենատարբեր բաների մասին: Սա կինոաշխարհ է, այստեղ ես իմ մեկնաբանությունը չունեմ, ընդամենը կարող եմ ասել, որ բոլոր տեսակի ֆիլմեր էլ կարող են գոյություն ունենալ»,- եզրափակեց նա:
Մանրամասները՝ տեսանյութում:
Նարեկ Կիրակոսյան
