05.06.2026 | 13:44
«Հայաստան» դաշինքն ամփոփում է քարոզարշավը. ՈՒՂԻՂ
Մոսկվայում սպանվել է թայբռնցքամարտի աշխարհի եռակի չեմպիոն Աշոտ Բոլյանը
14.11.2019 | 13:45
Մոսկվայի հարավ-արևմուտքում սպանվել է Քիքբոքսինգի համաշխարհային պրոֆեսիոնալ ասոցիացիայի վարկածով թայբռնցքամարտի աշխարհի եռակի չեմպիոն Աշոտ Բոլյանը: Այս մասին գրում է ՏԱՍՍ-ը:
«Երեկ երեկոյան 40-ամյա մարզիկը Նախիմովի պողոտայում դուրս է եկել իր տնից և մոտեցել իր մեքենային, երբ անհայտ անձը մի քանի կրակոց է արձակել Բոլյանի ուղղությամբ, այդ թվում՝ գլխին, և թաքնվել է»,- նշել է իրավապահ համակարգի աղբյուրը:
Լուրը հաստատել է նաև ՌԴ Քննչական կոմիտեի Մոսկվայի քննչական գլխավոր վարչության ներկայացուցիչ Յուլյա Իվանովան՝ նշելով, որ տեղի ունեցածի վերաբերյալ հարուցվել է քրեական գործ՝ սպանության և ապօրինի զենք օգտագործելու հոդվածներով:
Քննիչները չեն բացառում, որ Աշոտ Բոլյանի սպանությունը կարող է կապված լինել բիզնեսի հետ:
«Դիտարկվում են սպանության տարբեր վարկածներ, այդ թվում՝ ձեռնարկատիրական գործունեության հետ կապը»,- նշել է Յուլիա Իվանովան:
1979 թվականին ծնված Աշոտ Բոլյանը Քիքբոքսինգի համաշխարհային պրոֆեսիոնալ ասոցիացիայի վարկածով թայբռնցքամարտի աշխարհի եռակի չեմպիոն էր և միջազգային մրցաշարերի 17-ակի հաղթող: Նա գլխավորում էր Հայկական սպորտային ֆեդերացիաների համաշխարհային ասոցիացիան: Բացի այդ՝ նա Մոսկվայում գրանցված «Կարատ» ընկերության գլխավոր տնօրենն էր: Ընկերությունը նույնպես կապված է սպորտային ոլորտի հետ:
