12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ԵՊՀ բանասիրականի և պատմության ֆակուլտետի դասախոսները մեկօրյա գործադուլ են հայտարարել
Հասարակություն
13.11.2019 | 12:15
Երևանի պետական համալսարանի հայ բանասիրության և պատմության ֆակուլտետի դասախոսները մեկօրյա գործադուլ են հայտարարել՝ հաջակցություն ուսանողների, որոնք արդեն մեկ շաբաթ է դասադուլի մեջ են և պահանջում են Կրթության, գիտության, մշակույթի և սպորտի նախարար Արայիկ Հարությունյանի հրաժարականը։
Հայ բանասիրության ֆակուլտետի դասախոսներից Արշալույս Գալստյանի խոսքով՝ երկու ֆակուլտետների դասախոսական կազմը՝ դեկաններ Արծրուն Ավագյանի և Էդիկ Մինասյանի գլխավորությամբ, խորհրդկացություն է անցկացրել։ Ըստ նրա՝ ավելի ուշ՝ հինգ անդամ ունեցող մասնագիտական խումբը հայտարարությամբ հանդես կգա։
«Հայտարարության տեքսն ընդունվել է քվեարկությամբ։ Միայն առաջին կետի մասին կարող եմ ասել․ մենք՝ երկու ֆակուլտետի դասախոսները, հաջացություն ուսանողների, հայտարարում ենք մեկօրյա գործադուլ, որպեսզի ուսանողներն այս ակցիայում իրենց միայնակ չզգան և հասկանան, որ իրենց դասախոսներն իրենց կողքին են»,- ասաց Արշալույս Գալստյանը։
Հիշեցնենք, որ ԵՊՀ հայ բանասիրության ֆակուլտետում նախորդ շաբաթվանից մեկնարկել է դասադուլ՝ ԿԳՄՍ նախարար Արայիկ Հարությունյանի հրաժարականի պահանջով։ Ուսանողների խումբը նոյեմբերի 11-ին և 12-ին նաև իրազեկող քայլերթ է իրականացրել՝ բանասիրականից մինչև նախարարությունների շենք, որտեղ արդեն մեկ շաբաթ է՝ նստացույց է։
Նելլի Մելքոնյան
