29.03.2026 | 14:17
Հենրիխ Մխիթարյանի նախկին մարզիչը սրտի կանգ է ունեցել մարզման ժամանակ
Նման խնդիրների մասին ինչքան քիչ խոսեն, այնքան լավ. Հայկ Սարգսյանը՝ միասեռ ամուսնությունների մասին. ՏԵՍԱՆՅՈՒԹ
Տեսանյութեր
12.11.2019 | 12:26
ԱԺ հերթական քառօրյայի մեկնարկին ԲՀԿ-ական պատգամավոր Գևորգ Պետրոսյանը ներկայացրեց նախագիծ, ըստ որի՝ նույնասեռականներին արգելվում է երեխա որդեգրելը:
«Գիտեմ, որ այս նախագիծը չի ընդունվելու, այդուհանդերձ ներկայացնեմ»,- իր խոսքում նշեց պատգամավորը:
«Իմ քայլը» խմբակցության պատգամավոր Հայկ Սարգսյանը լրագրողների հետ զրույցում անդրադառնալով Գևորգ Պետրոսյանի ներկայացրած նախագծին՝ ասաց, որ այդ թեմայի մասին ինչքան քիչ խոսեն, այնքան լավ:
«Կարծում եմ՝ նման խնդիրների մասին ինչքան քիչ խոսեն, այնքան լավ: Ինչպես մեր գործընկերները ներկայացրեցին, ամեն անգամ նման հարցեր բարձրացնելով՝ այն ավելի մեծ նշանակություն ու կարևորություն է ստանում, ինչին ինքս դեմ եմ»,- շեշտեց Հայկ Սարգսյանը:
Ըստ նրա, Գևորգ Պետրոսյանը նախագիծ է բերել ԱԺ, որով արգելում է նույնասեռականների կողմից երեխա որդեգրելը, սակայն Հայաստանի պատմության մեջ չի եղել դեպք, երբ նույնասեռականները երեխա որդեգրեն: «Այսինքն՝ նա նախագիծ է բերել ԱԺ գոյություն չունեցող խնդրի մասին»,- ընդգծեց պատգամավորը:
Մանրամասները՝ տեսանյութում:
Նարեկ Կիրակոսյան
