14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Արթուր Վանեցյանի եկամուտները պաշտոնավարման ընթացքում աճել են. ԼՈՒՍԱՆԿԱՐՆԵՐ
Հասարակություն
11.11.2019 | 20:53
Ազգային անվտանգության ծառայության նախկին տնօրեն Արթուր Վանեցյանը պաշտոնանկությունից հետո Բարձրաստիճան պաշտոնատար անձանց էթիկայի հանձնաժողով է ներկայացրել ունեցվածքի և եկամտի մասին հայտարարագիր:
Դրա համաձայն՝ Արթուր Վանեցյանն ունի մեկ բնակարան, LEXUS NX300H 2.5GAS մակնիշի ավտոմեքենա: Դրամական միջոցները կազմում են՝ 1 մլն դրամ և 10 հազար դոլար, իսկ եկամուտները՝ 14 մլն 341 հազար դրամ, որը ձևավորվել է աշխատավարձից:
Պաշտոնավարման ընթացքում Արթուր Վանեցյանի եկամուտներն աճել են: Այսպես, եթե պաշտոնը ստանձնելիս նրա եկամուտները, ըստ հայտարարագրի, եղել են 1 մլն 854 հազար դրամ, ապա պաշտոնը դադարեցնելիս եկամուտները կազմել են 14 մլն 341 հազար դրամ: Պաշտոնավարման ընթացքում նա շարժական կամ անշարժ գույք ձեռք չի բերել և չի վաճառել:
Նշենք, որ Արթուր Վանեցյանն ԱԱԾ տնօրենի պաշտոնում աշխատեց մեկ տարուց ավելի: Սեպտեմբերի 16-ից նա այլևս ԱԱԾ տնօրենը չէ:
Նարեկ Կիրակոսյան
