08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Լավրովը մեջբերեց Փաշինյանի խոսքը. ԼՂ հարցի լուծումը պետք է ձեռնտու լինի ՀՀ-ին, Արցախին, Ադրբեջանին. ՏԵՍԱՆՅՈՒԹ
Քաղաքականություն
11.11.2019 | 13:49
Կարող եմ մեջբերել Նիկոլ Փաշինյանին՝ հարկավոր է հաշվի առնել և՛ Հայաստանի, և՛ Արցախի, և՛ Ադրբեջանի շահերը: Այսօր Երևանում ՀՀ ԱԳ նախարար Զոհրաբ Մնացականյանի հետ համատեղ ասուլիսում այս մասին ասաց ՌԴ ԱԳ նախարար Սերգեյ Լավրովը՝ պատասխանելով հարցին, թե որքանո՞վ է իրատեսական որևէ առաջընթաց ԼՂ հակամարտության կարգավորման շուրջ բանակցություններում, եթե Ադրբեջանը մերժում է հակամարտության կարգավորման ցանկացած տարբերակ՝ նշելով, որ այն կարող է լուծվել բացառապես Ադրբեջանի տարածքային ամբողջականության շրջանակում:
«Տարածքային ամբողջականության, ինքնորոշման, վեճերի՝ բացառապես խաղաղ ճանապարհով կարգավորման սկզբունքներն ամրագրված են բոլոր փաստաթղթերի տարբերակներում, որոնք քննարկվում են կողմերի միջև: Եվ, ցանկացած դեպքում, վերջնական որոշումը պետք է հաշվի առնի այս բոլոր սկզբունքները»,- հավելեց նա:
Հետո արդեն, ըստ ռուսաստանցի դիվանագետի, դա դիվանագիտության արվեստն է, իսկ իրականում՝ փոխզիջումների պատրաստ լինելը:
«Ցանկացած համաձայնություն, առավել ևս՝ նման բարդ հարցի շուրջ, փոխզիջում է: Եվ մենք, որպես համանախագահներ, ձգտում ենք, որպեսզի փոխզիջումը լինի ազնիվ, արտացոլի շահերի իրական և արդար հավասարակշռությունը»,- ընդգծեց Լավրովը:
Մանրամասները՝ տեսանյութում:
