12.06.2026 | 12:07
ԲՀԿ ներկայացուցիչների ասուլիսը․ ՈՒՂԻՂ
Բիոլաբորատորիաներ ռուսների մուտքը թույլատրող փաստաթղթի շուրջ բանակցություններն ավարտվել են, մոտ ապագայում այն կստորագրվի. ՏԵՍԱՆՅՈՒԹ
Քաղաքականություն
11.11.2019 | 14:14
Հայաստանի կենսաբանական լաբորատորիաներ ռուս մասնագետների մուտքն ապահովելու հարցերն այսօր քննարկել ենք, դրանք քննարկվում են նաև առողջապահության նախարարությունների գծով: Երևանում տեղի ունեցած ասուլիսում այս մասին ասաց ՌԴ ԱԳ նախարար Սերգեյ Լավրովը՝ պատասխանելով հարցին, թե որքանո՞վ է հավանական հայկական բիոլաբորատորիներ ռուս մասնագետների մուտքը թույլ տալու վերաբերյալ հուշագրի ստորագրումը և որո՞նք են կենսաբանական անվտանգության ոլորտում Երևանի և Մոսկվայի միջև համագործակցության ուղղությամբ հետագա քայլերը:
«Հուշագրի տեքստի շուրջ աշխատանքներն ընդհանուր առմամբ ավարտված են, հիմա փաստաթուղթը յուրաքանչյուր կողմում միջգերատեսչական համաձայնության փուլ է անցնում»,- հավելեց նա:
Լավրովը հույս հայտնեց, որ փաստաթուղթն առաջիկայում կստորագրվի. «Դա, իհարկե, կենսաբանական անվտանգության ոլորտում մեր փոխգործակցության լրացուցիչ հնարավորություններ կստեղծի: Մեր հարևանների, դաշնակիցների, գործընկերների հետ շփումները շատ կարևոր մաս ենք համարում այն օրակարգի, որը վերաբերում է անվտանգությանը՝ բառի ամենալայն իմաստով»:
ՀՀ ԱԳ նախարար Զոհրաբ Մնացականյանն էլ հավելեց, որ կենսաբանական անվտանգության հարցը Հայաստանի համար շատ կարևոր է. «Եվ մեզ հաջողվել է այս տարիների ընթացքում ամրապնդել մեր հնարավորությունները կենսաբանական անվտանգության ոլորտում տարբեր գործընկերների հետ համագործակցության առումով»:
Մանրամասները՝ տեսանյութում:
