04.08.2026 | 10:00
Շարունակվում է Կոնջորյանին ԱԺ փոխնախագահ ընտրելու հարցի քննարկումը. ՈՒՂԻՂ
Վրաստանն առաջին անգամ կստանձնի Եվրոպայի խորհրդի նախագահությունը
Քաղաքականություն
11.11.2019 | 13:58
Նոյեմբերի 27-ից Վրաստանը 6 ամսով կստանձնի Եվրոպայի խորհրդի նախագահությունը: Այս մասին տեղեկացնում է Վրաստանի Արտաքին գործերի նախարարությունը. փոխանցում է aliq.ge-ն:
Եվրոպայի խորհրդի նախարարների կոմիտեում Վրաստանի նախագահության հետ կապված պաշտոնական այցով Թբիլիսիում է ԵԽ-ի գլխավոր քարտուղար Մարիա Պեինչինովիչ Բուրիչը: Սա գլխավոր քարտուղարի պաշտոնում նրա առաջին պաշտոնական այցն է:
Այցի շրջանակներում գլխավոր քարտուղարը հանդիպումներ կանցկացնի Վրաստանի վարչապետի, նախագահի, խորհրդարանի ղեկավարի և արտաքին գործերի նախարարի հետ:
Վրաստանին կփոխանցվի Եվրախորհրդի 2020-2023 թվականների աշխատանքային ծրագիրը: Հատկանշական է, որ սա առաջին դեպքն է, երբ Վրաստանը ստանձնում է միջազգային այս կազմակերպության ղեկավար երկրի պարտականությունները:
Նոյեմբերի 27-ին Ստրասբուրգում կկայանա նախագահող երկրի պաշտոնի փոխանցման հանդիսավոր արարողությունը:
