02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
ԱԺ-ի վարչական տարածքում գտնվող շինության տանիքում բռնկված հրդեհից տուժած տղամարդու վիճակը ծանր է
10.11.2019 | 10:19
Երեկ, ինչպես հաղորդել էինք,Ազգային ժողովի վարչական տարածքում գտնվող շինության տանիքում հրդեհ էր բռնկվել:
ԱԻՆ-ի տեղեկացմամբ՝ հրդեհի հետևանքով տարբեր աստիճանի այրվածքներ է ստացել երկհարկանի փայտյա տան բնակիչ Իկկա Ռոնկաինեն (ծնված 1949 թ.). վերջինս հոսպիտալացվել է Այրվածքաբանության ազգային կենտրոն: Բժիշկները նրա առողջական վիճակը գնահատել են կայուն ծանր:
Հոգեբանական աջակցության բաժնի հոգեբանական խորհրդատվության գծով հրահանգիչը Իզաբելլա Ռոնկաինեին (ծնված 1961 թ.) ցուցաբերել է հոգեբանական աջակցություն:
Պարզվել է, որ տուժած տղամարդը ազգությամբ ֆինն է:
Այրվածքաբանության ազգային կենտրոնի տնօրեն Գևորգ Սիմոնյանը տեղեկացրել է, որ տղամարդը վերակենդանացման բաժանմունքում է, վիճակը ծանր է: «Այրվել է նրա մարմնի 15 և շնչուղիների 5 տոկոսը»,- տուժածի առողջական վիճակը ներկայացրել է Սիմոնյանը:
