07.09.2026 | 23:10
Կաբարդինո-Բալկարիայում ձնահյուսի հետևանքով 11 լեռնագնաց է զոհվել
Գյուղը չունի մանկապարտեզ, բայց գյուղապետը ունի ապարանքներ, այստեղ խնդիր կա․ Ռոմանոս Պետրոսյան. ՏԵՍԱՆՅՈՒԹ
Հասարակություն
07.11.2019 | 18:27
Հրազդանի քաղաքապետի աշխատանքն այս փուլում բավականին դրական եմ գնահատում։ Վերջին մեկ տարվա ընթացքում նախադպրոցական դաստիարակության հաստատությունների, մասնավորապես՝ մանկապարտեզների վիճակը շտկելու համար։ Այս մասին այսօր՝ լրագրողների հետ զրույցում նշեց Կոտայքի մարզպետ Ռոմանոս Պետրոսյանը։
«Եթե մինչ այս 14 մանկապարտեզից ջեռուցվում էր միայն երկուսը, ապա վերջին տարում այդ հարցը լուծվել է, բազմաթիվ մանկապարտեզների ճաշասենյակնորի վերանորոգման հարցն է լուծվել՝ բացառապես համայնքի միջոցներով կամ համայնքի կողմից ներգրավված մեկենասների»,- ասաց նա:
Ըստ նրա՝ ՏԻՄ աշխատանքի գնահատումը, ինչպես նաև կյանքի որակի առումով մանկապարեզները՝ տիպիկ չափորոշիչներ են։
«Եթե գյուղը չունի մանկապարտեզ, բայց գյուղապետն ունի ապարանքներ, ապա այդտեղ մի բան այն չէ։ Մեզ համար առաջնահերթությունների ցանկում է մակապարտեզների՝ որպես նախադպրոցական կրթական հաստատությունների և մշակույթի տների՝ որպես արտադպրոցական դաստիարակության հաստատությունների, առկայությունը Կոտայքի մարզի բացառապես բոլոր համայնքներում։ Այս պահին Կոտայքի մարզում, Կառավարության հետ սուբվենցիոն ծրագրերով, զրոյից կառուցվում է 3 մանկապարտեզ, հիմնակառուցվում՝ 7 մանկապարտեզ։ 42 համայնքում էլ այս պահին 10 մանկապարտեզ է կառուցվում։
Մանրամասները՝ տեսանյութում։
Լիլիթ Շաբոյան
