19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Բնակարանը տվեցինք, հետո ի՞նչ է լինելու․ սա է ամենակարևոր խնդիրը․ վարչապետ. ՏԵՍԱՆՅՈՒԹ
Հասարակություն
07.11.2019 | 15:22
Կառավարության որոշմամբ՝ Աշխատանքի և սոցիալական հարցերի նախարարությանը կհատկացվի 1.9 մլրդ դրամ՝ մանկատան 300 շրջանավարտի բնակարանային աջակցության համար։
Նախագիծը ներկայացնող աշխատանքի և սոցիալական հարցերի նախարար Զարուհի Բաթոյանն ասաց, որ շահառուներին կտրամադրվեն 6.3 մլն դրամ արժողությամբ բնակարանների գնման վկայագրեր։
Վարչապետ Նիկոլ Փաշինյանը նկատեց, որ այս կարգի նախագծերը և առավել ևս դրանց հաջող իրականացումը երկրի մակարդակը փոխող նախագծեր են, որովհետև շատ կարևոր է, թե մենք ինչպես ենք վերաբերվում այդ մարդկանց։
«Մենք մանկատան երեխաների համար բնակարաններ ենք գնում և ճիշտ ենք անում, բայց մեծ հաշվով այսպիսի որոշման հետ հայեցակարգային խնդիր ունեմ ռազմավարական առումով։ Ես կնախընտրեի այս գումարը ծախսված լիներ իրենց կրթության վրա, որպեսզի իրենք ոչ մեկի կարիքը չունենային, օրինակ՝ գնային IT ոլորտում 100 տոկոսով երաշխավորված աշխատանք ունենային, 6 ամիս, 1 մեկ տարի վարձով ապրեին և իրենց վաստակած աշխատավարձով գնային հիփոթեքով բնակարան գնեին։ Այսօր մենք, ցավոք սրտի, նման վերաբերմունք չենք կարող ունենալ։ Այո, բնակարանը տվեցինք, հետո ի՞նչ է լինելու․ սա է ամենակարևոր խնդիրը»,- նշեց վարչապետը։
Մանրամասները՝ տեսանյութում։
