02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Պետերբուրգում վերելակի ընկնելու հետևանքով հայեր են տուժել. նրանց վիճակը ծանր է
05.11.2019 | 18:51
Սանկտ Պետերբուրգում արտակարգ պատահարի հետևանքով հայեր են տուժել: Քաղաքի ծննդատներից մեկում վերանորոգման աշխատանքների ժամանակ վերելակն ընկել է, ինչի հետևանքով հայաստանցի երկու բանվորները տուժել են:
«Վերելակային սարքավորումների փոխարինման աշխատանքների ժամանակ ճոպանը կտրվել է, ինչի արդյունքում վերելակի խցիկը, որտեղ երկու բանվոր է եղել, ընկել է: Բանվորները ծանր վնասվածքներ են ստացել»,- նշել են ՌԴ Քննչական կոմիտեի Սանկտ Պետերբուրգի վարչության մամուլի ծառայությունը:
Տուժածները Հայաստանից են՝ 38 և 35 տարեկան: Նրանց վիճակը ծանր է գնահատվում: Երկուսն էլ ծանր վիճակում են. նրանք բազմաթիվ փակ և բաց կոտրվածքներ են ստացել, ներքին օրգանների վնասվածքներ:
Դեպքի առիթով քրեական գործ է հարուցվել՝ «Շինարարական աշխատանքներ իրականացնելիս անվտանգության կանոնների խախտման» հատկանիշներով:
Միջոցառումներ են ձեռնարկվում՝ դեպքի բոլոր հանգամանքները պարզելու համար:
