25.06.2026 | 19:08
Դավիթ Համբարձումյանի գործը ուղարկվեց նոր քննության․ նա ազատ արձակվեց դատական նիստերի դահլիճից․ ՏԵՍԱՆՅՈՒԹ
ՀԱՊԿ անդամ երկրները զենք են վաճառում Ադրբեջանին․ Ալեն Սիմոնյանը խնդիր է տեսնում. ՏԵՍԱՆՅՈՒԹ
Քաղաքականություն
05.11.2019 | 12:50
Մի քիչ զարմանալի է, որ Ադրբեջանի կողմից Հայաստանի սահմանին ուղղված կրակոցների մասին մենք պետք է անընդհատ ասենք, նշենք, որպեսզի ինչ-որ մի կողմ արձագանքի: Լրագրողների հետ զրույցում այս մասին ասաց ՀԱՊԿ խորհրդարանական վեհաժողովի աշխատանքերին մասնակցող ՀՀ ԱԺ փոխնախագահ Ալեն Սիմոնյանը։
«Պետական դիրքորոշումը հետևյալն է՝ ՀՀ-ի դեմ կրակոցներն անընդունելի են՝ լինի դա ՀԱՊԿ-ի շրջանակում, թե այլ։ Տեղեկություն չունեմ՝ դիմե՞լ է Հայաստանը ՀԱՊԿ-ին, թե՞ ոչ»,- ասաց պատգամավորը:
Նա նշեց, որ Ռուսաստանի բարձրաստիճան պաշտոնյաների հետ հանդիպումներում բարձրացվել է Ադրբեջանին ՀԱՊԿ անդամների կողմից զենք վաճառելու հարցը:
«Բայց խնդիրը մինչ օրս չի լուծվում։ Նույնիսկ վարչապետի կողմից այդ հարցը բարձրացվել է։ Խնդիր է, որը պետք է լուծում ստանա։ Հայաստանի համար անընդունելի է։ Արձանագրելով, որ այդ խնդիրը կա, մենք փորձում ենք լուծումներ գտնել։ Պատասխանը նույնն է՝ Հայաստանին մենք զենք ենք տրամադրում շատ ավելի լավ ու նպաստավոր պայմաններով»,- ասաց Ալեն Սիմոնյանը։
Մանրամասները՝ տեսանյութում:
Ռոբերտ Անանյան
