02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Արարատի մարզի Աբովյան համայնքում բացվեց նորակառույց մանկապարտեզ
Հասարակություն
02.11.2019 | 14:05
Արարատի մարզպետարանից տեղեկացնում են, որ այսօր Արարատի մարզի Աբովյան համայնքում կայացել է Հայաստանի տարածքային զարգացման հիմնադրամի ֆինանսավորմամբ (շուրջ 146 մլն. դրամ) և համայնքի համաֆինանսավորմամբ (7%), կառուցված մանկապարտեզի բացման արարողությունը, որին մասնակցել եմ ես, ԱԺ պատգամավորներ Սերգեյ Ատոմյանը և Տաթևիկ Գասպարյանը, մարզպետարանի պատասխանատու պաշտոնյաներ, աբովյանցիներ, հյուրեր։
Դիմելով ներկաներին՝ շնորհավորել եմ լուսավոր և գունեղ կրթօջախի բացման կապակցությամբ, այն համարել մեծագույն ձեռքբերում։
Խոսել եմ նաև մարզում կյանքի կոչվող ծրագրերից և շեշտել՝ մի շարք համայնքներում ակտիվ ընթացքի մեջ են գտնվում մանկապարտեզների կառուցման, հիմնանորոգման ու կապիտալ վերանորոգման աշխատանքները։
Եզրափակելով ելույթս՝ մաղթել եմ, որ այսօրինակ կրթօջախներ ունենան նաև այն համայնքները, որտեղ չկան մանկապարտեզներ, ապա հավելել՝ անելու ենք հնարավոր ամեն բան, որ Աբովյանի նորաբաց մանկապարտեզը հնարավորություն ունենա գործել ամբողջ տարին։
Հավելեմ, որ նորակառույց մանկապարտեզը հնարավորություն ունի իր տանիքի ներքո ընդունել մոտ 100 երեխայի, կառուցվել է ժամանակակից պահանջներին համապատասխան, իսկ գույքի ձեռքբերման հարցում օժանդակել են համայնքի բնակիչներն ու «Արեգակ» վարկային կազմակերպությունը:
Ի դեպ, մինչև տարեվերջ, ի թիվս մարզում կյանքի կոչվող այլ ծրագրերի, նախատեսվում է ավարտին հասցնել Այգավանի, Մասիս քաղաքի համար 2, Դիմիտրովի և Ազատավանի մանկապարտեզներում ընթացող շինարարական աշխատանքները:
Առաջինը վերակառուցվում է Հայաստանի տարածքային զարգացման հիմնադրամի միջոցներով, իսկ մյուսներում սուբվենցիոն ծրագրով ընթանում է հիմնանորոգում։
