08.11.2026 | 14:02
Կրակովում 6 մարդու սպանության մեջ կասկածվողը, հնարավոր է, սպանել է նաև ծնողներին ու քրոջը
Տպավորություն է, որ եթե ամբողջ ազգը թողնի ծխելը, ծանր հիվանդություններ չենք ունենալու․ Բադալյանը՝ նախարարին․ ՏԵՍԱՆՅՈՒԹ
Հասարակություն
01.11.2019 | 11:51
Միշտ պետք է հիվանդացության մասին մտածելիս հիշենք կանխարգելման մասին, և ոչ թե միայն բուժման։ Սիրտ-անոթային հիվանդությունների ամենամեծ գործոնը ծխելն է, աղն է, որը Հայաստանում 2 անգամ շատ ենք օգտագործում, թերակտիվությունը, մեծ քաշը։ Այս մասին ԱԺ-ում 2020 թվականի բյուջեի նախագծի քննարկման ժամանակ ասաց առողջապահության նախարար Արսեն Թորոսյանը։
«Թոքի, և ընդհանրապես, շնչառական ուղիների քաղցկեղը քաղցկեղների մեջ առաջին տեղում է։ Դրա բուժման հիմնական եղանակն էլ ծխելու դեմ պայքարն է, որը մենք, հուսով եմ, բարեբախտաբար, կանենք»,- ասաց նախարարը։
Նա ընդգծեց, որ թոքի քաղցկեղի սկրինինգի ծախսն արդյունավետ չէ։
«Առողջապահության համաշխարհային կազմակերպությունն ունի ծախսն արդյունավետ համարվող սկրինների ցանկ»,- նշեց նախարարը։
Պատգամավոր Լուսինե Բադալյանն, արձագանքելով նախարարին, ասաց, որ այնպիսի տպավորություն է ստեղծվում, որ եթե ամբողջ ազգը թողնի ծխելը, ծանր հիվանդություններ չենք ունենալու, և Ֆինանսների նախարարությունն Առողջապահության նախարարությանը գումարներ հատկացնելու խնդիրը չի ունենա։
Մանրամասները՝ տեսանյութում։
