14.05.2026 | 19:41
Մայր Աթոռ Սուրբ Էջմիածնում նշվել է Համբարձման տոնը
Սերժը գնացել է, մեզ էլ փողոցում քարշ չեն տալիս, բայց․․․ սևազգեստ մայր. ՏԵՍԱՆՅՈՒԹ
Հասարակություն
31.10.2019 | 15:13
ԱԺ Մարդու իրավունքների մշտական հանձնաժողովում տապալվեց տարբեր տարիներին խաղաղ պայմաններում զոհված զինծառայողների ծնողների, ինչպես նաև 2017թ. հունվարի 29-ին Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի հոր հանդիպումը հանձնաժողովի նախագահի, ԱԺ ԲՀԿ խմբակցության պատգամավոր Նաիրա Զոհրաբյանի, ԱԺ այլ պատգամավորների, ՔԿ ներկայացուցիչների հետ։
Ծնողների հետ հանդիպեց ԱԺ փոխնախագահ Ալեն Սիմոնյանը։ Որդեկորույս ծնողներից մեկն ասաց՝ բոլորը գիտեն, թե 12 տարի է՝ նախկին իշխանություններն իրենց հետ ո՞նց են վարվել, իրենք ո՞նց են պայքարել։
ԱԺ փոխնախագահ Ալեն Սիմոնյանն էլ հարցրեց․ «Իսկ նախկին իշխանությունների ժամանակ գալիս էիք, էսքան զբաղվում էին, նախկին իշխանություններն էսքան անո՞ւմ էին»։
Որդեկորույս մայրն էլ նկատեց, որ բոլորը շատ լավ գիտեն․ իրենք հիմա էլ են պայքարում։
Իսկ Ալեն Սիմոնյանն էլ նկատեց, որ պայքարելու խնդիր չկա, դա միայն նրանց խնդիրը չէ։
«Մենք ուրախ ենք, որ Սերժիկի գլուխը գնացել է, չենք տեսնում իրան, փողոցում էս մայթից էն մայթը քարշ չեն տալիս, բայց մնացած ողնաշարը՝ այ էս դատաիրավական համակարգը, որ այսօր այ սենց էս վիճակին է․․․ուղղակի փախան ստեղից»,- ասաց որդեկորույս մայրերից մեկը։
Մանրամասները՝ տեսանյութում։
