25.06.2026 | 10:45
«Միասնության թևերը» ընտրությունների գործով երրորդ անձ ներգրավվելու կոչ է արել մի շարք կուսակցությունների
Շատերը սխալվում են. Արա Շիրինյանը՝ Մարգարիտա Գրիգորյանի աշխատանքը Հ1-ում չգնահատելու մասին. ՏԵՍԱՆՅՈՒԹ
Հասարակություն
31.10.2019 | 14:44
Հանրային այլ ալիքներ ստեղծելու անհրաժեշտություն կա, բայց դա ցանկության հետ չի կապված, այլ հնարավորությունների: Այս մասին ԱԺ-ում լրագրողների հետ զրույցում նշեց Հանրային հեռուստառադիոընկերության խորհրդի նախագահ, ռեժիսոր Արա Շիրինյանը։
«Մենք մեր ներքին ռեսուրսներով փորձում ենք, որքան հնարավոր է, ունենալ հանրային հեռարձակում»,- ասաց նա:
Հարցին՝ արդյո՞ք Հանրային հեռուստատեսությունն իշխանությունների կողմից հրահանգներ ստանում է՝ հաշվի առնելով, որ տարիներ շարունակ այդպիսի խոսակցություններ են եղել, Արա Շիրինյանը պատասխանեց. «Մենք վերևներից որևէ զանգ չենք ստանում, հավաստիացնում եմ»:
Արա Շիրինյանից հետաքրքրվեցինք ՝Հանրայինի հետ կապված հարց է մնում այն, թե ինչո՞ւ է Մարգարիտա Գրիգորյանը շարունակում պաշտոնավարել, կառավարել այդ հեռուստաընկերությունը, երբ տարիներ շարունակ նախկին իշխանության օրոք Առաջին ալիքն իր գործառույթները չի կատարել, ասում են, որ նրա հովանավորը փոխվարչապետ Մհեր Գրիգորյանն է, արդյո՞ք նա ասել է, որ Մարգարիտա Գրիգորյանին չպետք է ձեռք տալ, ինչին նա արձագանքեց. «Մարգարիտա Գրիգորյանը շարունակում է աշխատել, որովհետև նա ապահովում է այդ կառույցի բնականոն աշխատանքը և բավարար չափով արդյունք է ցույց տալիս: Այդ իմաստով ես շատ գոհ եմ նրա աշխատանքից»:
Դիտարկմանը, որ իր նախկին խորհրդական Տիգրան Պասկևիչյանն ապշած էր, ասում էր՝ ինչո՞ւ է նա մնացել, բոլորի մոտ հարց է առաջանում, այսինքն, բոլորը սխալվո՞ւմ են, պրոֆեսիոնալ մենեջերին չեն գնահատում, Շիրինյանը պատասխանեց. «Երբեմն լինում է, որ շատերը սխալվում են»:
Մանրամասները՝ տեսանյութում:
