Քաղաքականություն
05.10.2017 | 20:08
Եվրամիությունը միայն Իսպանիային է ճանաչում ԵՄ անդամ, և եթե Կատալոնիան անկախանա, Միությանն անդամակցություն չի ստանա: Այս մասին հայտարարել է տնտեսական և ֆինանսական հարցերով եվրահանձնակատար Պիեր Մոսկովիսին, փոխանցում է ria.ru-ն:
«Մի պահ պատկերացնենք, որ Կատալոնիան անկախություն է հռչակել. հենց այդ պահից անկախ Կատալոնիան ԵՄ անդամ չի լինի: Եվրամիությունը միան մեկ անդամ երկիր է ճանաչում՝ Իսպանիան», – ֆրանսիական LCI հեռուստաալիքի եթերում ասել է Մոսկովիսին:
Նա շեշտել է, որ առայժմ Կատալոնիայի անկախությունը «քաղաքական ֆանտաստիկայի» ժանրին է պատկանում:
