15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
Դպրոցն էլ հո բնակարան չի՞, որ Երևանի կենտրոնում ավելի թանկարժեք լինի, քան ուրիշ տեղ․ Փաշինյանը՝ նախարարին. ՏԵՍԱՆՅՈՒԹ
Հասարակություն
31.10.2019 | 11:35
Ուսուցչական մեկ դրույքի նվազագույն աշխատավարձ կսահմանվի՝ 108 հազար դրամ։ Այս մասին Կառավարության նիստի ժամանակ ասաց կրթության, գիտության, սպորտի և մշակույթի նախարար Արայիկ Հարությունյանը։
Վարչապետ Նիկոլ Փաշինյանը հետաքրքրվեց, թե այսինքն՝ Երևանում և հեռավոր գյուղերում աշխատող ուսուցիչները կստանան նույն աշխատավարձը, որին նախարարը դրական պատասխան տվեց՝ մասնավորապես նշելով․ «Նվազագույն մեկ դրույքի համար կլինի նույն աշխատավարձը։ Ապահովում ենք, որ նվազագույնը նույնը լինի»։
Վարչապետի այն հարցին, թե ինչի՞ հաշվին է ավելի բարձր լինում աշխատավարձի չափը, Հարությունյանը պատասխանեց, որ ըստ աշակերտների թվի։
«Կան դպրոցներ, որոնք 150-160 դրույք են սահմանում, այստեղ կա նաև տարածքի խնդիրը»,- նշեց նախարարը։
Արձագանքելով վարչապետը նկատեց, որ տարածքների առումով Երևանի կենտրոնի դպրոցներն ավելի «պրեստիժնի» են։
«Դպրոցն էլ հո բնակարան չի՞, որ Երևանի կենտրոնում ավելի թանկարժեք լինի, քան թե ուրիշ տեղ»,- ասաց Փաշինյանը։
Մանրամասները՝ տեսանյութում։
