18.10.2026 | 15:12
Ֆրանսիայում ցուցարարները հրկիզել են Լիմոժի քաղաքապետարանի պատմական շենքը
«Թուրքիան չի հասկանում, որ իր համար լավագույնը Հայոց ցեղասպանությունը ճանաչելն է»․ Ռուբեն Ռուբինյան
Քաղաքականություն
30.10.2019 | 20:01
ԱԺ արտաքին հարաբերությունների հանձնաժողովի նախագահ Ռուբեն Ռուբինյանը ողջունում է ԱՄՆ ներկայացուցիչների պալատի՝ Ցեղասպանության դատապարտման բանաձևը և նկատում, որ Ցեղասպանության ճանաչումը, դատապարտումը և կանխարգելումը «Հայաստանի օրակարգում է»։
«Բնականաբար, Հայոց ցեղասպանության միջազգային ճանաչումը մեր արտաքին քաղաքականության կարևորագույն ուղղություններից մեկն է»,- ասաց Ռուբեն Ռուբինյանը։
Վերջինս անդրադարձավ նաև Թուրքիայի արձագանքին, որը դատապարտել է Ներկայացուցիչների պալատի գործողությունը։
«Թուրքիան այդպես էլ չի հասկանում, թե ինչ է կատարվում և չի հասկանում, որ իր իսկ համար լավագույն ճանապարհը րոպե առաջ Հայոց ցեղասպանությունը ճանաչելն է, ճանաչելն ու ընդունելը նախնիների կողմից կատարված ոճրագործությունը»,- արձանագրեց ԱԺ արտաքին հարաբերությունների հանձնաժողովի նախագահը։
