17.09.2026 | 23:38
Սամվել Կարապետյանի տնային կալանքը երկարաձգվել է
Ամբողջ աշխարհում փակվել են Իսրայելի դեսպանատները. Իսրայելի ԱԳՆ-ն գործադուլ է անում
30.10.2019 | 14:28
Հոկտեմբերի 30-ի առավոտյան ամբողջ աշխարհում ժամանակավորապես փակվել են Իսրայելի դեսպանատներն ու հյուպատոսությունները: Այս մասին տեղեկացնում է meduza.io կայքը:
Դեսպանատների ու հյուպատոսությունների փակման պատճառն Իսրայելի արտգործնախարարության հայտարարած գործադուլն է: Այս մասին ասվում է տարբեր երկրներում (մասնավորապես Ռուսաստանում, Ուկրաինայում, ԱՄՆ-ում, Կանադայում) Իսրայելի դիվանագիտական ներկայացուցչությունների հաղորդագրություններում:
«Հաճախորդներին ծառայություններ չեն մատուցվելու: Դեսպանատան մուտքը փակ է»,- ասված է ՌԴ-ում Իսրայելի դեսպանատան հայտարարության մեջ: Թե երբ դեսպանատունը կվերսկսի աշխատանքը՝ չի նշվում:
Իսրայելի արտգործնախարարությունը, պաշտպանության նախարարությունը և «Հիստադրութ» միությունը գործադուլ են հայտարարել՝ կապված երկրի ֆինանսների նախարարության որոշման հետ՝ փոխել տարբեր երկրներում դիվանագետների և ռազմական կցորդների ծախսերը փոխհատուցելու կարգը:
