17.09.2026 | 23:38
Սամվել Կարապետյանի տնային կալանքը երկարաձգվել է
Պատգամավորների գործուղումների մասով մի քանի նոր կարգավորումներ ենք ունենալու․ Տիգրան Գալստյան (ՏԵՍԱՆՅՈՒԹ)
30.10.2019 | 12:58
Պատգամավորների գործուղումների մասով մի քանի նոր կարգավորումներ ենք ունենալու, որպեսզի հստակ երևա՝ որ դեպքում պատգամավորը երբ է մեկնում, երբ վերադառնում։ Այս մասին Ազգային ժողովում 2020 թվականի բյուջեի նախագծի քննարկման ժամանակ ասաց ԱԺ աշխատակազմի ղեկավար-գլխավոր քարտուղար Տիգրան Գալստյանը։
Անդրադառնալով հարցին, թե մեկ պատգամավորի մասով միջին գործուղման ծախսն ինչքա՞ն է կազմել 6 ամսվա տվյալներով, միտումն ավելացե՞լ է, թե՝ ցածրացել, պատասխանեց, որ մեկ պատգամավորի հաշվով միտումը ցածրացել է։
«Եվ ոչ միայն այդ տեսանկյունից, այլ նաև ներկայացուցչական ծախսերը, այսինքն՝ պատվիրակությունների ընդունման տեսանկյունից։ Պատվիրակությունների ընդունման առումով մոտ 40 մլն ավելի ցածր ծախս է եղել, քան 2018 թվականի նույն ժամանակահատվածում։ Պատգամավորների գործուղումների մասով մեծ վերահսկողության տակ ենք վերցրել թե՛ տոմսերի գնման արժեքները, թե՛ պատվիրակությունների ծրագրով պայմանավորված իրենց՝ արտերկրում լինելու ժամանակաշրջանը»,- ասաց Տիգրան Գալստյանը։
Մանրամասները՝ տեսանյութում։
