27.04.2026 | 17:17
Ադրբեջանն ու Չեխիան բանակցություններ են վարում համատեղ ռազմական արտադրության շուրջ. Ալիև
Հայտնի է մետրոյի նոր կայարանի տեղը. փոխքաղաքապետը մանրամասներ է ներկայացնում. ՏԵՍԱՆՅՈՒԹ
Հասարակություն
29.10.2019 | 16:43
Երևանի փոխքաղաքապետ Հայկ Սարգսյան խոսքով՝ Աջափնյակ համայնքում՝ ապագա մետրոյի ելքի մոտ, խոշոր առևտրի կենտրոն կառուցելու բանակցությունները մետրոյի կայարանի և կամուրջի նախագծման փուլում են: Ըստ նրա, այս պահին ունեն նախնական համաձայնություն, որ ներդրող կողմը, սկսած նախագծային փուլից, այն կֆինանսավորի, իսկ հետագայում դրա արդյունքում ձևավորված գնի շրջանակում կքննարկեն մետրոյի կայարանի շինարարության հարցը:
«Վերջերս Երևան էին ացելել նաև ներդրողի կողմից ներգրավված մետրոշինարարները, որոնք իրականացրել են ուսումնասիրություններ, հասկանալու ծրագրի նախնական իրագործելիությունը: Կա վերջնական պայմանավորվածություն, որ կիրականացվի նախագիծը, կքննարկվի բիզնես մոդելը, որն իրենք կկառուցեն և կներկայացնեն մեր տված պարամետրերի հիման վրա: Հուսանք, որ հաջորդ տարի մենք արդեն կունենանք որոշակի աշխատանքների մեկնարկ»,- լրագրողների հետ զրույցում ասաց Երևանի փոխքաղաքապետը:
Ըստ նրա՝ ներդրողի հետ նախնական քննարկումների արդյունքում մետրոպոլիտենի կայարանը կլինի կամուրջի վրա, ժամանակակից կոնստրուկցիաներով, ինչը նաև հնարավորություն կտա հետագայում շարունակելիություն՝ թունելային հատվածով մինչև հաջորդ կայարանը:
«Հրազդանի կիրճի հատվածը կանցնի կամուրջով, դուրս կգա թունելից և կամուրջի վրա կկառուցվի մետրոյի կայարան: Ճարտարապետական լուծումների հետ կապված կխնդրեի, որ պարոն Մեսչյանը տար պարզաբանումներ: Այս պահին իրատեսական չէ նշել ժամկետներ, քանի որ խնդիրը դեռևս ներդրողի դաշտում է, արդեն ասացի, որ իրականացվում են նախագիծ-նախահաշվին ուղղված աշխատանքներ: Կա նախնական հաշվարկ, որ մետրոնի մեկ կայարանի արժեքը գնահատվել է 100 միլիոն դոլար: Բայց քանի որ մեր կայարանի համար արդեն որոշ աշխատանքներ են արվել, կարծում եմ՝ այս գնի կեսից պակասը կարելի է գնահատել»,-շեշտեց նա:
Մանրամասները՝ տեսանյութում:
Նարեկ Կիրակոսյան
