17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ռոմանոս Պետրոսյանը մանրամասնում է, թե մարզպետների աշխատավարձը որքան է բարձրացել. ՏԵՍԱՆՅՈՒԹ
Հասարակություն
29.10.2019 | 12:18
Այդ մասին վարչապետն ընդգրկուն ելույթ ունեցավ, ինչպես նաև հաջորդեց վարչապետի մամուլի խոսնակի պարզաբանումը, որտեղ, այո, կար նաև անդրադարձ Կառավարության անդամների, նախարարների, փոխնախարարների և, մասնավորապես, մարզպետների մասով. այս մասին ԱԺ-ում լրագրողների հետ զրույցի ժամանակ ասաց Կոտայքի մարզպետ Ռոմանոս Պետրոսյանը՝ անդրադառնալով մարզպետների աշխատավարձերի գաղտնի ձևով բարձրացման հանգամանքին։
Հարցին՝ ինչքանո՞վ է բարձրացվել մարզպետների աշխատավարձը, Ռոմանոս Պետրոսյանը նկատեց, որ այդ մասով որևէ ավելացնելու բան չունի։ «Ընթացակարգային առումով, քանի որ գաղտնի փաստաթղթով է շրջանառվել, որևէ գաղտնի փաստաթուղթ ես ի պաշտոնե իրավունք չունեմ բացահայտելու»,- մանրամասնեց մարզպետը։
Պարզաբանող հարցին՝ հայտնի է դարձել, որ նախարարները 1․5 մլն են ստանում, փոխնախարարները՝ 1 մլն, ինչո՞ւ մարզպետների մասով չեք պարզաբանում, Ռոմանոս Պետրոսյանն ասաց, որ վարչապետի խոսնակի պարզաբանման մեջ մարզպետների մասով անդրադարձ կա։
«Գաղտնի որևէ թղթի հետ կապված ես իրավասու չեմ տեղեկություն տալ։ Եկամուտները հայտարարագրել ենք, հայտարարագրում ենք և կհայտարարագրենք»,- նշեց Կոտայքի մարզպետը։
Մանրամասները՝ տեսանյութում։
