23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Տնտեսական հեղափոխությունն այսօր կարելի է տեսնել նաև անզեն աչքով. Նիկոլ Փաշինյան
Տնտեսություն
28.10.2019 | 11:39
Հայաստանում տնտեսական հեղափոխությունը թափ է հավաքում: Այս մասին ԱԺ-ում 2020 թվականի բյուջեի քննարկման ժամանակ ասաց ՀՀ վարչապետ Նիկոլ Փաշինյանը:
«Այսօր ՀՀ-ում տնտեսական հեղափոխությունը թափ է հավաքում, այն իրողություն է, և այդ հեղափոխությունն այսօր կարելի է տեսնել նաև անզեն աչքով»,- ասաց նա:
Վարչապետը նշեց, որ ՀՀ-ում հսկայական ներդրումներ են արվում. «Մեր ամենամեծ պրոբլեմը կապիտալ ծախսերի իրականացումն է այն ծավալներով, որ մենք նախատեսել ենք»:
Նա հավելեց, որ կապիտալ ծախսերի որոշակի թերակատարում ունենք նախորդ տարվա համեմատ, որը նախևառաջ, ըստ Փաշինյանի, կապված է կոռուպցիայի դեմ պայքարի հետ. «Թույլ տվեք ասել՝ ՀՀ տնտեսության և ապագայի վերաբերյալ, որպես ՀՀ վարչապետ, լավատես եմ, և վստահ եմ առավել, քան երբևէ՝ ՀՀ տնտեսությունը շատ լավ թափ է հավաքել, և մեր բոլորի խնդիրն է ամեն ինչ անել, որ այդ թափը ոչ միայն չկոտրվի, այլև ընթացքն արագանա»:
Նարեկ Կիրակոսյան
