09.12.2025 | 17:53
Ներկայացվել է CoP17-ի պաշտոնական տարբերանշանը․ ՏԵՍԱՆՅՈՒԹ
Ռուսական Արմավիրում «Գարեգին Նժդեհ» ֆիլմը կցուցադրեն
Մշակույթ
25.10.2019 | 20:56
Ռուսական Արմավիր քաղաքում տեղի կունենա «Գարեգին Նժդեհ» հայկական պատմական դրամայի ցուցադրությունը: Այս մասին հաղորդում է News-armavir.ru-ն:
Ֆիլմը կցուցադրվի միայն մեկ անգամ՝ հոկտեմբերի 26-ին: Աղբյուրի փոխանցմամբ՝ ժապավենը հանդիսատեսին կծանոթացնի 20-րդ դարի առաջին կեսի հայ ականավոր պետական և ռազմական գործիչ Գարեգին Տեր-Հարությունյանի՝ Նժդեհի կյանքին:
Նշենք, որ ավելի վաղ Ռուսաստանի ադրբեջանական համայնքի ներկայացուցիչներն Արմավիրի (Կրասնոդարի երկրամաս) քաղաքապետարանից պահանջել էին ապամոնտաժել Գարեգին Նժդեհին նվիրված հուշատախտակը, որը 2012 թվականին տեղադրվել է տեղի հայկական եկեղեցու տարախքում՝ Ռուսաստանի Հայերի միության Արմավիրի մասնաճյուղի նախաձեռնությամբ: Ադրբեջանցիների պնդմամբ՝ Նժդեհը համագործակցել է ֆաշիստական Գերմանիայի հետ, և նրա հուշատախտակի տեղադրումը, իբր, արմավիրցիների դժգոհությունն է առաջացրել:
Արմավիրում ստեղծված իրավիճակին անդրադարձել էր նաև ՌԴ ԱԳՆ խոսնակ Մարիա Զախարովան: «Եթե այդ հարցն ավելի գլոբալ ուսումնասիրենք, ապա, իմ կարծիքով, անհրաժեշտ է այն պատմական տեսակետից դիտարկել։ Մենք արդեն այդ մասին մեր կարծիքը հայտնել ենք։ ՌԴ ԱԳՆ-ի դիրքորոշմանը կարելի է ծանոթանալ հաստատության կայքում տեղադրված համապատասխան զեկույցում։ Այդ գնահատականն արդիական է»,- նշել էր դիվանագետը:
