02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Արսեն Բաբայանի ձերբակալության գործընթացը կապ չունի իրավաբանության հետ․ Ռուբեն Մելիքյան. ՏԵՍԱՆՅՈՒԹ
Քաղաքականություն
23.10.2019 | 18:38
«Մենք օր օրի, ժամ ժամի ավելի ենք համոզվում, որ Արսեն Բաբայանի ձերբակալության գործընթացը կապ չունի իրավաբանության հետ»,- դատարանի բակում լրագրողների հետ զրույցում ասաց փաստաբան Ռուբեն Մելիքյանը։
Նշենք, որ Երևանի ընդհանուր իրավասության դատարանում, դատավոր Կարեն Ֆարխոյանի նախագահությամբ ընթանում է ԱԺ աշխատակազմի ղեկավարի նախկին տեղակալ Արսեն Բաբայանի նկատմամբ կալանավորումը որպես խափանման միջոց ընտրելու վերաբերյալ միջնորդության, ինչպես նաև Բաբայանին ձերբակալելու որոշման դեմ նրա պաշտպանների ներկայացրած բողոքի քննությունը։
Բաբայանին, հիշեցնենք, մեղադրանք է առաջադրվել ՀՀ քրեական օրենսգրքի 38-300-րդ հոդվածի 1-ին մասով և 314-րդ հոդվածի 1-ին մասով նախատեսված այն հանցավոր արարքների կատարման համար, որ նա, 2018 թվականին հանդիսանալով ՀՀ ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ սահմանադրական դատարանի լիազորություններին տիրանալուն, ինչպես նաև կատարել է պաշտոնեական կեղծիք:
Ռուբեն Մելիքյանն ասաց՝ պետական մարմինները սկսում են քաղաքական նկատառումներով յուրովի մեկնաբանել այն օրենքները, որի կիրառողներն իրենք չեն եղել։ Այլ խոսքով՝ փորձ է արվում հետին թվով նոր իրավաբանություն ստեղծել։
Մանրամասները՝ տեսանյութում։
Լիլիթ Շաբոյան
