08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ծրագրո՞ւմ եք համագործակցել նախկինից մնացած խոշոր տնտեսվարողների հետ. Բաբաջանյանը՝ Փաշինյանին. ՏԵՍԱՆՅՈՒԹ
Հասարակություն
23.10.2019 | 18:17
ԱԺ-Կառավարություն հարցուպատասխանի ժամանակ պատգամավոր Արման Բաբաջանյանը նշեց, որ վերջին առնվազն 20 տարիներին Հայաստանի տնտեսությանը հասցվել է անդառնալի վնաս, մի քանի ընտանիքների, մի քանի սեփականատերերի, նախկին օլիգարխների կողմից։ Ապա հետաքրքրվեց, թե ինչպես են ծրագրում նախկինից մնացած տարբեր խոշոր տնտեսվարող սուբյեկտների հետ համագործակցությունը տնտեսության մեջ ենթակառուցվածքային ներդրումներ անելու իմաստով։ Արդյոք կառավարությունը ծրագրո՞ւմ է նրանց հետ այդպիսի գաղափարներ քննարկել առհասարակ, որովհետև մինչև վերջերս խոսում էին հատվածական լուծումների մասին։
Հարցին պատասխանեց ՀՀ վարչապետ Նիկոլ Փաշինյանը՝ չհամաձայնելով Բաբաջանյանի այն բնորոշման հետ, որ մեր տնտեսությունն անկողնային հիվանդ է։
«Առնվազն հիմա մեր տնտեսությունը բավականին լավ դինամիկա է արձանագրում։ Եվ եթե այս դինամիկան մենք կարողանանք պահպանել, մեր տնտեսությունն ամուր կկանգնի ոտքերի վրա և առաջ կգնա։ Համենայն դեպս, մենք այդպիսի խնդիր ենք դրել։ Ձեր ասածի համատեքստում՝ ենթակառուցվածքների ներդրում, մենք այս տարի, օրինակ՝ ճանապարհաշինական աննախադեպ ծավալի աշխատանք ենք կատարել և կատարում, և մյուս տարի առավել ևս։ Կարծում եմ՝ մենք ընկալումների ռեժիմը պետք է փոխենք։ Հիմա հարցը հետևյալն է՝ ընկերությունը, գործարարը, խոշոր գործարարն արդյոք աշխատո՞ւմ է օրինական դաշտում և իր հարկային պարտավորությունները կատարո՞ւմ է։ Գիտեք՝ ես չեմ կարծում, թե մենք պետք է տնտեսությունը և տնտեսվարողներին անընդհատ պահենք լարված վիճակում»,- ասաց վարչապետը։
Փաշինյանը նկատեց, որ հաճախ են ասում, որ բիզնեսը չգիտի՝ ինչ կանոններով աշխատի, սակայն ինքը մի քանի անգամ այդ կանոնները հրապարակել է՝ մի՛ գողացիր, եղի՛ր արդյունավետ, եղի՛ր նորարար և եղի՛ր համագործակցող։
Մանրամասները՝ տեսանյութում։
