08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Նոր Հայաստանում Հյուսիսային պողոտայի պատմություն չի կարող լինել. Փաշինյանը՝ Ֆիրդուսի մասին. ՏԵՍԱՆՅՈՒԹ
Հասարակություն
23.10.2019 | 18:09
«Իմ քայլը» խմբակցության պատգամավոր Գևորգ Պապոյանը ԱԺ-Կառավարություն հարցուպատասխանի ժամանակ բարձրաձայնեց Ֆիրդուսի 17 շենքի բնակիչների մտահոգությունը:
Պապոյանը նշեց՝ վերջիններիս թաղամասը 2007 թվականից համարվում է իրացման գոտի, նրանք սահմանափակված են իրենց գույքը օգտագործելու հետ կապված գործողություններում: Քաղաքացիները դժգոհել են, որ վերջին ամիսներին օտարող կազմակերպության ներկայացուցիչներ են եկել, բանավոր առաջարկել են գին, որին քաղաքացիները համաձայն չեն, սակայն, ամեն պարագայում, նրանց կվտարեն այդ տարածքից:
Պատգամավորն ասաց՝ քաղաքացիները վախենում են, որ կկրկնվի Հյուսիսային պողոտայի ճակատագիրը: Խնդրին անդրադարձավ ՀՀ վարչապետ Նիկոլ Փաշինյանը:
«Այն, որ Հյուսիսային պողոտայի պատմություն չի կարող լինել նոր Հայաստանում, պարզ է: Այդ հարցերով զբաղվում է փոխվարչապետ Ավինյանը, ով հիմա Վրաստանում է: Նամակը փոխանցեք, մենք համապատասխան ընթացք կտանք, բայց քաղաքացիների իրավունքները կպաշտպանվեն: Ես հիմա չեմ ուզում բացարձակ հայտարարություն անել, իրացման գոտու շրջանակներում բավական մեծ թվով տարածքներ արդեն իրացվել են: Եթե ուսումնասիրեք, կտեսնեք, որ գների էական և շոշափելի փոփոխություններ են տեղի ունեցել, սա առաջին ահազանգն է վերջին շրջանում, որ այդտեղ ինչ-որ բան այն չէ, այդ հարցին մենք անպայման կանդրադառնանք»,- նշեց վարչապետը:
Մանրամասները` տեսանյութում:
Նարեկ Կիրակոսյան
