12.12.2024 | 14:23
Թրամփը Սի Ցզինպինին հրավիրել է իր երդմնակալությանը․ CBS News
Ռուսաստանը Թուրքիային C-400 ՀՕՊ համակարգերի գաղտնաբառերը չի տրամադրել
Քաղաքականություն
03.10.2017 | 19:38
Ռուսաստանի դաշնությունը (ՌԴ) հրաժարվել է կատարել Թուրքիայի խնդրանքը, որով պաշտոնական Անկարան ցանկանում էր ստանալ C-400 ՀՕՊ համակարգերի գաղտնաբառերը:
Այդ մասին հայտնում է Gazeta-ն:
«Մենք մերժեցինք թուրքերի այն պահանջը, որով նրանք ցանկանում էին տեսնել S-400-ների մեխանիզմը: Այդ իսկ պատճառով համակարգերի ներսում կտեղադրվեն ռուսական արտադրության յուրային-օտար ճանաչման համակարգեր: Նրանք ցանկանում էին, որ իրենց տրամադրվի համակարգերի գաղտնաբառերը, սակայն մենք մերժեցինք նրանց»,-նշում է աղբյուրը:
Թեմայի շուրջ խոսել է նաև Ռուսաստանի անվտանգության, պաշտպանության և իրավակարգի հարցերով զբաղվող ակադեմիայի նախագահ Վիկտոր Յեսինը: Վերջինս նշել է, որ, երբ երկրների միջև ստորագրվում են նման տեսակի զենքերի վաճառքի վերաբերյալ պայմանագրեր, ապա գնորդը իրավունք չունի տեղեկություն ստանալ համակարգերի ներքին մեխանիզմների մասին: Բացի այդ ըստ նրա՝ գնող կողմը պարտավորություն է ստանձնում, որ այդ համակարգերը չի փոխանցի երրորդ կողմին:
Ռուս պաշտոնյան հավելել է, որ գնորդին չի տրամադրվի նաև որևէ տեղեկություն, թե ինչպես է C-400-ը արտադրվել:
