04.10.2026 | 21:16
ՌԴ ՊՆ-ն հայտարարել է Կիևի ուղղությամբ հարվածների հետագա ուժեղացման մասին
Թվերի հետ աշխատանքն ընդլայնում է մտահորիզոնը, գեղարվեստական ճաշակը, ․ մեկնարկել է մենթալ թվաբանության առաջին միջազգային օլիմպիադան
Հասարակություն
12.10.2019 | 18:46
Հանրապետության նախագահի տիկին Նունե Սարգսյանն այսօր ներկա է գտնվել առաջին անգամ Հայաստանում կազմակերպված մենթալ թվաբանության միջազգային օլիմպիադայի բացման արարողությանը: «Ուրախ եմ, որ զբաղվում եք մենթալ թվաբանությամբ: Դա մեր ապագան է: Ուրախ եմ, որ օգտագործում եք ձեր ուղեղը, ինտելեկտը թվերի հետ պայքարում»,- շնորհավորելով երեխաներին և նրանց ծնողներին՝ օլիմպիադայի բացման խոսքում մասնավորապես ասել է Նունե Սարգսյանը:
Հանրապետության նախագահի տիկինը կարևորել է երեխաներին փոքր տարիքից խաղերի միջոցով թվերի հետ աշխատանքին վարժեցնելը: «Մենթալ թվաբանությունն օգնում է մարզել երեխաների ուղեղները, ինչը շատ կարևոր է մեր մանուկ սերնդի ինտելեկտը զարգացնելու համար: Թվերի հետ աշխատանքն ընդլայնում է մտահորիզոնը, գեղարվեստական ճաշակը, ինչպես նաև աշխարհընկալումը»,- ասել է տիկին Սարգսյանը:
