Միասին հնարավոր է շատ ավելին անել. նախագահ Արմեն Սարգսյանն ընդունել է հայ և գերմանացի գիտնականներին

Լուրեր

10.01.2025 | 19:41
Լեհաստանը նպատակ ունի աջակցել Երևանի և Բաքվի միջև հարաբերությունների կարգավորմանը ԵՄ Խորհրդում նախագահության ընթացքում
10.01.2025 | 19:29
Ադրբեջանի իշխանությունները բանտարկված իրավապաշտպանից պահանջել են հրաժարվել ԱՄՆ Պետդեպի մրցանակից
10.01.2025 | 19:14
Ո՞վ է գլխավոր դատախազի տեղեկալի նախընտրելի թեկնածուն
10.01.2025 | 19:00
Հանուն ԵՄ-ին անդամակցելու՝ ՀՀ-ն ծանր ուղի է անցնելու, զրկանքներ կլինեն, բայց հաջողությամբ կավարտենք․ Լուսինե Հակոբյան․ ՏԵՍԱՆՅՈՒԹ
10.01.2025 | 18:44
ՀՀ ԱԽ քարտուղարն ու ԵՄ հատուկ ներկայացուցիչը քննարկել են տարածաշրջանային անվտանգային իրավիճակը
10.01.2025 | 18:30
Տրանսպորտը թանկանում է․ քաղաքացիները՝ գնի փոփոխության ու նոր համակարգի մասին․ ՀԱՐՑՈՒՄ
10.01.2025 | 18:22
Ուկրաինայի ԱԳՆ-ն պարզաբանել է՝ ինչու է հետաձգվել Թրամփի հատուկ բանագնացի այցը Կիև
10.01.2025 | 18:16
Շիրակի մարզում կասեցվել է կաթնամթերքի արտադրամասի գործունեությունը
10.01.2025 | 18:09
Կեղծ դիպլոմով բժշկական գործունեության 7 դեպք է արձանագրվել. տեսչական մարմնի ղեկավար․ ՏԵՍԱՆՅՈՒԹ
10.01.2025 | 18:00
Կիրակոսյանը՝ Բաքվի դեմ հայցերից հրաժարվելու, Կրեմլը՝ Պուտին-Թրամփ հանդիպման հավանականության մասին․ ԼՈՒՐԵՐ
10.01.2025 | 17:54
Հայտնի իրադարձությունների արդյունքում 10 մլն ծառերի տնկման ծրագիրը չի կայացել․ Հակոբ Սիմիդյան․ ՏԵՍԱՆՅՈՒԹ
10.01.2025 | 17:43
Դեսպան Աֆյանը կարճատև զրույց է ունեցել Հնդկաստանի պաշտպանության նախարարի հետ
10.01.2025 | 17:32
Աֆրիկայի ամենամեծ գետերից մեկը կարող է չորանալ
10.01.2025 | 17:20
Դատարանը մերժել է Wildberries-ի ակտիվների վերաբերյալ Բակալչուկի հայցը
10.01.2025 | 17:09
Օդի աղտոտվածության խնդիրն այնքան վտանգավոր չէ, ինչքան հանրության մոտ անհանգստություն կա․ Սիմիդյան. ՏԵՍԱՆՅՈՒԹ
Բոլորը

ՀՀ նախագահի աշխատակազմից տեղեկացնում են, որ հանրապետության նախագահ Արմեն Սարգսյանն այսօր ընդունել է գերմանական հայտնի «ԴԵԶԻ» (DESY) գիտահետազոտական կենտրոնի և նրա գործընկերներ՝ Երևանի «ՔԵՆԴԼ» սինքրոտրոնային հետազոտությունների ինստիտուտի և Ա. Ի. Ալիխանյանի անվան ազգային գիտական լաբորատորիայի՝ Երևանի ֆիզիկայի ինստիտուտի ներկայացուցիչներին:

«Նախագահ Արմեն Սարգսյանը 2018թ. Գերմանիայի Դաշնային Հանրապետության կատարած պաշտոնական այցի ընթացքում հյուրընկալվելով «ԴԵԶԻ»-ում՝ կարևորել էր հայ գործընկերների հետ համագործակցության հետագա սերտացումը:

«ԴԵԶԻ»-ի տնօրենների խորհրդի նախագահ, պրոֆեսոր Հելմուտ Դոշի գլխավորությամբ գերմանացի գիտնականների խումբը Հայաստան է ժամանել հայ գործընկերների հետ առկա գիտական համագործակցությունն առավել խորացնելու նպատակով:

Ողջունելով հյուրերին՝ նախագահ Սարգսյանը նշել է. «Ձեր այցը և պատվիրակության մեծությունը վկայում են, որ միասին կարող ենք շատ ավելին անել: Դուք կարող եք լիովին համոզված լինել, որ նախագահի աշխատակազմը պատրաստակամ է ամբողջությամբ աջակցել, որ համագործակցությունն ավելի խորը և արդյունավետ լինի»:

«ԴԵԶԻ»-ի տնօրենների խորհրդի նախագահ, պրոֆեսոր Հելմուտ Դոշը տեղեկացրել է այցի արդյունքների մասին՝ նշելով, որ երեկ արդեն գիտական համագործակցության ընդլայնման վերաբերյալ երկու փաստաթուղթ է ստորագրվել՝ համապատասխանաբար Երևանի «ՔԵՆԴԼ» սինքրոտրոնային հետազոտությունների ինստիտուտի և Ա. Ի. Ալիխանյանի անվան ազգային գիտական լաբորատորիայի հետ: «Կարծում ենք, որ կարող ենք ընդլայնել այս համագործակցությունը: Կան նոր ոլորտներ, որտեղ հնարավոր է համագործակցություն սկսել»,-ասել է նա՝ մասնավորապես առանձնացնելով մեծ ծավալի տվյալների կառավարումը, որը ժամանակակից մարտահրավերներից մեկն է: Նա նշել է, որ համագործակցությունը գիտականից բացի նաև կրթական բաղադրիչ ունի, և հայ գործընկերների հետ պայմանավորվածություն կա իրականացնել գիտնականների փոխանակման, վերապատրաստման ծրագրեր:

«ՔԵՆԴԼ» ինստիտուտի և Ա. Ի. Ալիխանյանի անվան ազգային գիտական լաբորատորիայի ներկայացուցիչներն իրենց հերթին նույնպես տեղեկություններ են ներկայացրել համագործակցության ուղղությունների մասին:

Հանրապետության նախագահը մեծ նվաճում է համարել գերմանական և հայկական գիտահետազոտական կենտրոնների միջև ձեռքբերված պայմանավորվածությունները: «Սա համագործակցության նոր ուղի է բացում՝ հասկանալու, թե նոր աշխարհում ինչպես պետք է կառավարել մեծ տվյալները, ինչ տեսակի մաթեմատիկական հաշվարկ պետք է օգտագործել դրա համար: Այն իսկապես կարող է լինել հաջորդ տարիներին համագործակցության ուղղություններից մեկը,-նշել է նախագահ Սարգսյանը՝ կարևորելով նաև կրթական բաղադրիչը:– Հայաստանում ծավալած յուրաքանչյուր գործունեություն պետք է երկու կողմ ունենա: Մեկը հետազոտությունն է, իսկ մյուսը պետք է լինի կրթությունը: Դրանք պետք է փոխլրացնեն իրար»:

Նախագահը հաջողություն է մաղթել հայ և գերմանացի գիտնականներին՝ պատրաստակամություն հայտնելով հնարավորինս աջակցել նրանց նախաձեռնությունների իրականացմանը»,- ասված է հաղորդագրությունում: